İlahi rəhbəron-194

İlahi rəhbəron-194

İ kərə Həzrət Əbdul-Əzim Həsəni boştə etığod iyən usuli mevğıyyətiku peştıpurətiro bə İmom Hadi(ə)  xıdməti şərəfyob be və ıştə bovə kardə çi barədə bəhsış karde və çı qırd imomon(ə) nomi zikr kardey bəpeştə voteşe ki,az bəvon həmmə imonım heste.əve əlovəş karde:etırof kardedəm ki,çəvon dust Xıdo dust və çəvon deşmınon Xıdo deşmıne və bəvon pemandey  bə Xıdo itoət kardey və bəçəvon əmron nıpemandey və bəçəvon ələyh beşey bə Xıdo nıpemendeye.peşo dəvomış doe:az jıqo hisob kardedəm və etığodım heste peyğombəri(s) merac,ğəbədə sıvol-cəvob,vəhışt iyən cəhəndım ,siratəl mustəğim və mizon dırıst və bərhəğğe və ğıyoməti ruj  ğətiye və hiç qıləy tərdid bəvədə mevcud ni və Xıdovənd qırd bımyon bəyji bəkarde ta bəçəvon hisob-kitobi rəsey bıbu.İmom Hadi(ə) hamyeşe:”ha Əbul-Ğasım ha!bə Xıdo ğəssəm ım həmonə dine ki,Yolə Xıdo boştə bandəon əvış pəsəndış kardə,vıjniyəşe.bəvədə sabitğədəm bımand ta Xıdo tıni dınyo iyən axırəti giriftorətiyonədə sabit və ğoymko”.....

İmom Hadi(ə) elmi məktəbədə tərbiyə vində və perəsə şəxsonku qıləyni həm Huseyn ibn Səid Əhvaziye ki,həmən çı İmom Rıza(ə) və İmom Cəvadi(ə) dustonku bə hisob omeydə və har seqlə buzurquvarə imom İslomi əslə təlimon bo milləti nəğl kardedəbin.çə həzrətiku si qılə əxloği iyən fiğhi koonədə erjinə kitobon baği mandə ki,Şiyə məşhurə alimon tərəfiku ğəbul bıə və nıvıştəşone.

İslomi dınyo məşhurə alim bıə mərhum Şeyx Təbərsi nıvışteydə:Huseyn ibn Səid Əhvazi elmi məğamisə əlovə milləti irşod və dini təblıği koonədə və şəxsiyyətonədə həm qıləy ətisirnə rolış bıə və dini maarif iyən fərhənqışon çəyku omutə ta bə islomi barzə məğamon bırəso......

İmom Hadi(ə) elmi məktəbədə perəsə yolə alimonku qıləyni Fəzl ibn Şazan Nişabuiriye ki,qıləy yolə fəğih iyən barzə məğami soyb bıə zumandə mutəkəllim be.əy ziyodə kitobonış nıvıştə.sa həşto qılə kitobış təlifış kardə və min cumlə Əlizah kitobe ki,kəlomi elm və çı hədison raviyon əğedə və təcliliku bəhs kardedə.bənə Kuleyni,Səduğ və şeyx Tusi  bıə barzə şəxsiyyəton çəy sıxan iyən çəy nəzəonış ğəbulış kardə.”Camiurruvah” erjinə kitobi mıəllif Muhəmməd ibn Əli Ərdəbili  çı Fəzl ibn Şazani həxədə jıqo nıvışteydə:əv çəmə şiəyon yol və rəyise və vey erjinə şəxs çəy həxədə sıxan votey bəzıne.çəy kitob çı İmom Hadi(ə) tərəfiku təyid və təsdığ bıə.votey beydə ki,Əlyəvm və Ləylətu kitob bə İmom Həsən ƏSkəri(ə) nışon doə zəmonədə se kərə boəy səlom vıəğandeşe və hamyeşe:”ləyoğətış heste ki,qıləy əməlivə rəftori  ukqu ğərol doey bıbu”…