İlahi Rəhbəron-195

İlahi Rəhbəron-195

İmom Hadi(ə) elmi məktəbədə perəsə yolə alimonku qıləyni Fəzl ibn Şazan Nişabuiriye ki,qıləy yolə fəğih iyən barzə məğami soyb bıə zumandə mutəkəllim be.əy ziyodə kitobonış nıvıştə.sa həşto qılə kitobış təlifış kardə və min cumlə Əlizah kitobe ki,kəlomi elm və çı hədison raviyon əğedə və təcliliku bəhs kardedə.bənə Kuleyni,Səduğ və şeyx Tusi  bıə barzə şəxsiyyəton çəy sıxan iyən çəy nəzəonış ğəbulış kardə.”Camiurruvah” erjinə kitobi mıəllif Muhəmməd ibn Əli Ərdəbili  çı Fəzl ibn Şazani həxədə jıqo nıvışteydə:əv çəmə şiəyon yol və rəyise və vey erjinə şəxs çəy həxədə sıxan votey bəzıne.çəy kitob çı İmom Hadi(ə) tərəfiku təyid və təsdığ bıə.votey beydə ki,Əlyəvm və Ləylətu kitob bə İmom Həsən ƏSkəri(ə) nışon doə zəmonədə se kərə boəy səlom vıəğandeşe və hamyeşe:”ləyoğətış heste ki,qıləy əməlivə rəftori  ukqu ğərol doey bıbu”…

İmom Hadi(ə) bə Xıdo bovə kardey babədə hamyedə:”ikəs ki,Xıdoku bıtarso,çəyku bətarseyn və ikəs ki, bə Xıdo itoətko,bəy itoət bəkardeyn.və hakəs hestemoni aləmi ofəyə Xıdoku itoətko,çı məxloği ğəzəbiku nibətarse və hakəs Xıdo ğəzəbinko,beşək bə milləti ğəzəbi dıço bəmande.binobərin bə Xıdo mehvəri iyən Xidobovə kardey usuli əməl kardey,hejo bə insoni ıştəni oqardedə.çoko ki,Daminə İmom(ə) hamyedə: İlahi Hərim və həddon oqətey və bəçəy fərmonon nepamandeyku tarsey  və ya dınyo ofəyə Xalığiku itoəti ğəbul kardey ruhiyyə boyis beydə ta cokəson çəmə hurməti hifzkon,oqəton.və çəmə tələbon və nəzəonku təbəiyyət və iyən itoətkon və çunki,roziyəti məsir və royədə ğədəm şodoəmon,nəyinki,bə cokəson ğəzəb iyən nifrəti dıço nibəbemon,bəlkəm çı fərdon həmməysə mahbubə fərd bəbe…

İmom Hadi(ə) coqlə vırədə bə mutəvəkkili sıvoli cəvobəə hamyeşe:ikəs ki,ıştı dılədə kin-kudurət hestebu,həni səfo və səmimiyyəti intizroədə bəmand və ikəs ki,bəy xəyonət kardəbu və peymonı darıştəbu,bəfodorəti piyedəşe və bə ikəsi ki,bədqımoniş çəyku xeyrxahəti iyən xoşbinəti tələb məkə.zira bətı nisbətədə cokəson ğəlbi hol-həvo,ıştı dıli bəy nisbətədə bıə hol-həvo formədəy”.harçənd çı İmom Hadi(ə) ım əxloği rahnuməon qıləy umumi və hartərəfinə ro nışon doey be,əmmo bəştə zəmonə zolımkorə diktator bıə mutəvəkkil əbbosi qıləy şəffof iyən ğətiyyətinə cəvob be və dılış hestebe bəy dərosno ki,ıştı dılədə bəçımı ələyh qıləy kin-kudurət heste,tı peymonı darışte və ıştı suyi-zənnı heste,bın surətədə çokonə çəş kardedəş ki,az bətı nisbətədə ki,tı peymonı darıştə və bəçımı ələyh bədqımonəti dəlili xoto,məkrinə planon kəşeydəş,əmmo çımı bəştı ələyh qıləy məhəbbətım bıbu.peşo ə həzrət çı jimoni oxo tərsimko və nışon bıdo ki,çı qırd inonson jimoni oxo maq və mardeye,hamyedə:”bə yod biyə zəmoni ki, xıyzon, duston iyən  ıştə nezə odəmon mığobilədə bə maqi məsir iyən ro eqınəş,nə qıləy təbib tıni damon kardey zıneydə və nə ikəs tıni çı maqi çənqaliku peroxney zəneydə”….