İlahi rəhbəron-196

İlahi rəhbəron-196

İslomi vıjniyə rəhbəron yonzəminə qıləyni İmom Həsən Əskəriye(ə) ki,Hicri-Ğəməri dısa sivı dıminə sori bənə ıştə pokə əjdodon çı fəzilət və kəroməti mərkəzədə və Samirra şəhrədə bə dınyo çəşış oj karde.çəy pı İmom Hadi(ə) iyən çəy mo Hədisə və Susən nomo qıləy erjin iyən buzurquvarə banu be.çun çı Şiəyon yonzəminə İmom(ə) “Əskər” nomo qıləy vırədə sakin be,əve de Əskəri nomo məşhur be və çə həzrəti coqlə məşhurə ləğbonku qıləyni həm Zəkiy iyən Nəği ləğəbe ki,har dıqləyni pok iyən təzkiyə mənoədəy. çə həzrəti vistı dı sor sinnış hestebe ki,ıştə pı İmom Hadi(ə) məzlumonə şəhodəti bəpeştə bə imoməti məğami rəse və çı bəşəri camiyə rəhbərəti xətərinə məsuliyyətış bəştə ehdəş peqəte.məələsəf çə həzrəti imoməti devron vey kırt be və şəş sorisə vey nıdəkəşe və Hicri-Ğəməri dısa şestminə sori vistı həşt sinnədə de əbbosiyon cinoyətkorə hukuməti coqlə hakim bıə mutəmid əbbosi dasti vey məzlumonə surətədə bə şəhodəti məğami rəse.çə həzrəti canişin çəy yeqanə fərzənd və çı imoməti silsilə oxonə nəfər yəni həzrəte Huccət ibnil Həsən Əlməhdiye(əc) ki,ə hzərət bənə İlahi oxonə zəidər iyən ehtiyoti baği mandə ki,bənə ğeybəti pardə peştono mandə həşiye və çanədə ki,İlahi məşiyyət və irodə tələbış kardəni ə həzrəti zuhur və ğıyom bə əməl nibome və ə həzrət zuhurko,dınyo de ədoləti və dodi pur bəkarde…..

Əlfusul-Muhimmə kitobi soyb İbn Səbbağ Maliki çı əhli-sınnəti nəvminə əsrədə jiyə alime ki,çı İmom Həsən Əskəri(ə) barədə jıqo nıvışteydə:barzə vəsfon iyən xısləton və fəziləton bəvədə cəm bıə.əv bo imomət və hakimiyyətiro qırd xıslətonış cəm kardə və elm iyən zehdi,ağl,ismət və şucoət,kərəm və buzurquvarəti nəzəku və insoni bə Xıdo nez kardə ziyodə əməlon cəhəto bəsə həmməkəsiə bənav nbe.yəni çəy buzurquvarə pı çəy imoməti  barədə hamyə oşkoə sıxanış votə  və  çəy xilofət və canişinəti həxədə işorəonış kardə...