İlahi rəhbəron-197

İlahi rəhbəron-197

Əlfusul-Muhimmə kitobi soyb İbn Səbbağ Maliki çı əhli-sınnəti nəvminə əsrədə jiyə alime ki,çı İmom Həsən Əskəri(ə) barədə jıqo nıvışteydə:barzə vəsfon iyən xısləton və fəziləton bəvədə cəm bıə.əv bo imomət və hakimiyyətiro qırd xıslətonış cəm kardə və elm iyən zehdi,ağl,ismət və şucoət,kərəm və buzurquvarəti nəzəku və insoni bə Xıdo nez kardə ziyodə əməlon cəhəto bəsə həmməkəsiə bənav nbe.yəni çəy buzurquvarə pı çəy imoməti  barədə hamyə oşkoə sıxanış votə  və  çəy xilofət və canişinəti həxədə işorəonış kardə...

İmom Həsən Əskəri(ə) insofinə deşmınon həm çə həzrətiku tərif kardəşone.min cumlə çı mutəvəkkil əbbosi vəzir əhməd ibn əbdullah xaqan ki,torıxi mətnonədə omə ki,əv qıləy təkəbbırin,xudxah iyən çı Əhli-Beyti(ə) deşmın bə hisob omeydəbe,votedə:əv qıləy alim.zohid.təğvanin,vuğarinə inson be və əv iffətin və həyo,şərofət və ubuhhəti soyb be.joqo ki, ə həzrət bə həmməkəson hətto bə xuləfa,çəvon vəziron iyən çəvon hukuməti yolon  dılon nufuzış kardəbe.boçəy xoto be ki,çə həzrəti çəvon palu qıləy məxsusə məğma və mənzilətış hestebe.əv ıştə sıxanon cəvobədə nəğl kardedə:qıləy ruj çımı pı ki,qıləy məxsusə siyosi məğamış hestebe,bəy xəbəşon doe ki,İbnur-Rıza(yəni İmom Həsən Əskəri(ə)) omə.çımı pı bəçəy və beşe və çəy dastonış busəş karde.əvış ıştə vırədə nıştovneşe və bənə qıləy nokə  çəy mığobilədə nışte və bəy ziyodə ehtıromış nışon doe.çoko ə buzurquvarə şəxs şe,ıştə pıku dəparseme ki,ım merd ki be? çımı pı voteşe:ikəs ki,bın dınyoədə ğərəz əv co hiçkəs bo xilofəti ləyoğətış ni.əv bə insoni həmməysə barzə sıfəton malike və iqlə kəlomədə bəpe bıvotom ki,əv qıləy komilə insone və çoko ki,çəy pı həm bə jıqo xısləton soyb be......

Beşəkk,çın bemsilə xısusiyyati bə əməl omə vırə,İlahi xassə lutf və inoyəte ki,ıştə dərqoəyədə bəştə ovıiya və vıjniyə bandəon əto kardedə.İmom Həsən Əskəri(ə) həm Xıdo-Rəsuli(s) Əhli-Beyti(ə) barzə məğamədə jıqo hamyedə:”əmə bo əkəsi pənohqohimon ki,bəmə pənoh bardedən və əmə bo əkəsi

kəson qıləy nurimon ki,bəçəmə ğoymə rismoni çanq jeydən.hakəs ki,əməni dust bızıno,qıləy barzə məğamədə ğərol bəqəte və hakəs ki,çəmə royku mınhərif bıbu,bə cəhəndımi səmt şıkırney bəbe”.....

Əbu Haşım Cəfəri ki,Şiyə iyən İslomi rostə rəhbəron məxsusə dust və mıvəssəğ iyən dıjdə raviyonkuye ki, votedə:bə İmom Hadi(ə) xıdmət şərəfyob bim.ə həzrəti hamyeşe:çımı canişin çmı zoə Həsəne.peşo hamyeşe:”deçəy canişin ki,çmı həm canişine,çokonə rəftor bəkardeyş?voteme:çokonə?İmomi(ə) hamyeşe:şun əv ğeybəti pardədə jimon bəkarde və rəvo ni ki,çəy nom(ki,de peyğombəri(s) nomi eyniye) bıkəşən.xəbəm se:bəs çokonə əy yod və zikrkəm?hamyeşe:Əlhuccət min Ali-Muhəmməd(s) .