İlahi rəhbəron-198

İlahi rəhbəron-198

Əbu Haşım Cəfəri ki,Şiyə iyən İslomi rostə rəhbəron məxsusə dust və mıvəssəğ iyən dıjdə raviyonkuye ki, votedə:bə İmom Hadi(ə) xıdmət şərəfyob bim.ə həzrəti hamyeşe:çımı canişin çmı zoə Həsəne.peşo hamyeşe:”deçəy canişin ki,çmı həm canişine,çokonə rəftor bəkardeyş?voteme:çokonə?İmomi(ə) hamyeşe:şun əv ğeybəti pardədə jimon bəkarde və rəvo ni ki,çəy nom(ki,de peyğombəri(s) nomi eyniye) bıkəşən.xəbəm se:bəs çokonə əy yod və zikrkəm?hamyeşe:Əlhuccət min Ali-Muhəmməd(s) .

Əbubəkr ibn Fəhfəki votedə:İmom Əbulhəsən Hadi(ə) bəmı qıləy nomədə nıvışteşe:”çımı fərzənd Həsən çı peyğombəri(s) xanedani fərdon miyono həmməysə səhihə şəxs və məntıği nəzəku çəvon həmməysə ğoymə qıləyniye və çımı fərzəndon həmməysə yolə qıləyniye və əv çımı canişin bəbe və çəmə imomət iyən hukmon silsilə deəy iyən deçəy (fərzəndi) bə oxo bərəse.çımı bəpeştə çımıku dəparsə çiyon çəyku həm xəbə bıstənən.şımə həmmə piyə çiyon çəy nəzd iyən palu bəbe.çən,şımə nızınə çiyon və çımıku sıvol kardə çiyon çəyku dəparsənən və şımə bəmə ehtiyoc bıə çiyon çəy nəzdədəy”.