Fatimeye-Məsumə(s),mısılmonə moynon ulqu

Fatimeye-Məsumə(s),mısılmonə moynon ulqu

Həzrəte Fatimeye-Məsumə(s) hejo qıləy erjinə ulquye ki,ziyodə alimon və məraceon çə həzrəti mığobilədə de ədəbi zonuşon jıə və çə həzrəti kəromətinə dovnəku dəçekən.Həzrəte Fatimeye-Məsumə(s) Hicri-Ğəməri 173-ə sori Zilğəədə manqi iminə ruji Mədinə şəhrədə bə dınyo çəşış oj karde.ım buzurquvarə banu hejo çı sıftəku qıləy muhitədə perəse ki,pı-mo iyən fərzəndon ımon həmmə ıştənışon de əxloği fəziləton dərostəşon be.ibodət və zuhd,pərhizkorəti və təğva, rostəvojəti iyən səbr,muşkiloton mığobilədə istiğomət,baxşeş və pokdovnəti və həmçinin Xıdo zikr çın pok və çokə xıyzoni barzə xıslət və sıfətonku bə hisob omeydə.çın xanedani pıon həmmə qıləyni çı hidoyəti rəhbəron və vıjniyə bıə kəson,imoməti  dəvəşə qovhəron və çı insoniyyəti kəşti soybon və roməkəson bıən.....

Həzrəte Fatimeye-Məsumə(s) qıləy xıyzonədə ki,çı elm,təğva iyən əxloği fəziləton sərçeşmə bın, əyo perəsəe.çın əziz-qramiyə banu buzurquvarə pı bə şəhodəti məğam rəsey bəpeştə çə yolə İmomi(ə) ğıymətinə fərzənd yəni həzrəte İmom Rıza(ə)  ıştə hovon və boon təlim-tərbiyə koş bəştə ehdəş peqəteşe və həmçinin çəvon məxarici ko həm bə ə həzrəti ehdə be.İmom Rıza(ə)  ziyodə cəhdon nəticədə çı İmom Kazımi(ə) fərzəndonku har qıləyni bə qıləy barzə məğamon dastışon pəydu kardə və həmmə kəson çəvonku qəpışon jıə.İbn Səbbağ Maliki bın barədə hamyedə:de Kazımi nomi məşhur bıə Əbil-Həsən Mosə fərzəndon məşhurə fəzilətışon heste. beşək İmom Kazımi(ə) fərzəndon miyono İmom Rıza(ə) bəpeştə Həzrəte Fatimeye-Məsumə(s) elmi iyən əxloği nəzəku qıləy barzıə məğami soybe.Məsumə İmomon(ə) çə həzrəti həxədə həyğətonışon ruşin kardə ki,nışon doydə ki,ə həzrət həm bənə həzrəte Zeynəbi(s) “alimətu ğeyri-muəllimə” hisob bıə.....

Həzrəte Fatimeye-Məsumə(s) de çandə qılə ləğəbon zıney beydə ki,çəvon har qıləyni çın barzə şəxsiyyəti erjon cəhəti nışon doydə.ım vəhışti əhl bıə banu bə Xıdovəndi ibodət iyən sıtoyişi ğərğ be və çı harcurnə yavə çiyonku pok və bə diyəro be.ğasbu həm bə ın buzurquvarə banu Məsumə ləğəbışon no,hejo bəçəy xoto bıə ki,ə həzrət həm bənə ıştə yolə inə həzrəte Zəhro(s) Xıdovəndi ibodətədə ğərğ be və çı harcurnə qıno iyən nopokəhətiyonku bə diyəro be.bə kali rəvoyəton əsos ım ləğəb İmom Rıza(ə)  tərəfiku bə ın buzurquvarə banu doey bıə.şoko ki,Əllomə Məclisi bın barədə votedə:”İmom Rıza(ə)  qıləy vırədə hamyəşe:”hakəs Məsumə(s) Ğomi şəhrədə ziyorətko bənə əkəsiye ki,mınış ziyorət kardə”....

Həzrəte Fatimeye-Məsumə(s) çı Şiyə barzə məğaminə alimon iyən fəğihon zıvonədə de ”Kərimeye Əhli-Beyti(ə) zikr kardey beydə.Əhli-Beyti(ə) banuon miyono ım nom fəğət bə ə həzrəti məxsus bıə.bə səhihə nəsəbşınos bıə mərhum ayətullah Mərəşi Nəcəfi sadığ və rostə roya və hani əsos,ım ləğb çı İmom Sadıği(ə) tərəfiku bə Həzrəte Fatimeye-Məsumə(s) doey bıə.bın royadə İmom Sadıği(ə) bə ayətullah Mərəşi Nəcəfi ki,de dıvo iyən razo-niyozi çı həzrəte Zəhro(s) pokə ğəbi pəydu kardeyro ıştə səyonış bino kardəbe,xitob kardə holədə hamyəşe: Əhli-Beyti(ə) Kərimə ehtıromi vocib bızın.

Bə həmonə əsose ki,bo ə həzrəti ziyorətiro ziyodə dıjdə mıkofoton vədə doey bıə və əv həm bə vəhışti daxil bıəeyku iborəte.bın həxədə İmom Cəvodiku(ə) nəğl bıə ki,ə həzrəti jıqo hamyəşe: hakəs çımı əmmə Ğomədə ziyorətko,vəhışt bəy məxsuse”...”