Ğərbi Asiyə hodisəon

Ğərbi Asiyə hodisəon

Dəvardə haftə İraği muhimmə hodisəonku qıləyni bə İraği ğərbədə Ələnbar ostanədə bə Məhəmməd Əlhəlbusi mehmonon ğəbul kardə məkoni həmlə be.İraği xəbə mənbəon dəvardə çoşanbə şəvi çoqlə rəketi Ələnbar ostanədə Əlkəramə məntəğədə bə Əlhəlbusi mehmonon ğəbul kardə məkoni səmt ğandeyku xəbəşon doə ki,çın həmlə nəticədə seqlə ğeyri-hərbi şəxson zəxmin bıə.çımi bənav noyabrə manqi 7-ə ruji Bağdadi havzə məntəğədə bə İraği iminə vəzir Mustafa Əlkazımi mandə vırə həm de rəketi həmlə bıəbe.

De 80 ruji dəvardey ijən hələ məlum kardey bıənui ki,kom kəson bə İraği iminə vəziri mandə məkoni həmləşon kardə.həmonə mevzu həm qıləy amile ki,silohinə fərdon bə ğərol omən bə İraği parlamenti rəyisi Ələnbarədə bıə mehmonon ğəbul kardə məkoni həm de rəketi həmləkon.

Coqlə mevzu ıme ki,Mustafa Əlkazımi bə İraği parlamenti rəyisi Ələnbarədə bıə mehmonon ğəbul kardə məkoni həm de rəketi həmlə çı devlətə kabinetədə məhkum və elonış karde ki,devlət bə de terrorizmi mıborizə bardey ko dəvom bədoe.