İmom Cavad(ə)

İmom Cavad(ə)

Rəcəbə manqi daminə ruji de qıləy mıborəkə mevludi vilodəti mızəyyəne.Hicri-Ğəməri 195-ə sori jıqo qıləy ruji de Cəvad ləğəbi məşhur bıə İmom Muhəmməd Təği(ə) Mədinə şəhrədə bə dınyo ome.çə həzrəti buzurquvarə pı həzrəte İmom Rıza(ə) və çəy ğeymətinə inə həzrət Səkinə nomo qıləy banu be ki,İslomi peyğombəri(s) jimoni həmro Mariyə-Ğibti xanedaniku bə hison omeydəbe.Səkinə qıləy banu be ki,əxloği fəziləton nəzəku,çı insoniyyəti barzə dərəcə və məğamədə ğərolış qətəbe və ıştə zəmonə həmməysə barzə səviyyədə bıə qıləy xanım be.joqo ki, İmom Rıza(ə) əy bənə pokə banu,pokdovnə iyən fəzilətinə xanımi nom iyən unvoni zikr kardedə.

Reyhanə iyən Xeyzəran çı İmom Cavadi(ə) inə və moə coqlə ismonku qıləyniye.....

İmom Rıza(ə) imoməti devron qıləy məxsusə zəmon be.joqo ki,ə həzrət ıştə canişini təyin kardey iyən ıştə bəpeştə bıə imoməti elon kardey koyədə de çandə qılə muşkiloton dimbədim ome ki,çəy bənav bıə imonon deəy dimbədim omə nıbin.çıro ki,İmom Kazımi(ə) şəhodəri bəpeştə Vağifiyyə nomo məşhur bıə qıləy qrup bəştə maddi niyyəton əsos çı həzrət İmom Rıza(ə) imomətışon inkor karde.co tərəfiku həm ə həzrət təğribən de çılo haft sor sinni  qıləy fərzəndi soyb bıənıbe və çun peyğombəriku(s) omə hədison mevcudbe beki,İmomon(ə) donzə nəfərin ki,çəvon nəv nəfər İmom Huseynİku bəbe(ə) ,bo İmom Rıza(ə) hırdən nıbey həm çə həzrəti bəpeştə imomi və həmən çə həzrəti imoməti dəvom doeyış bə sıvoli ji bardəşbe.Vağifiyyə fırğə ım mevzuş dastəviz ğərolışon doəbe və çı İmom Rıza(ə) imomətışon inkor kardəbe.bə torıxi nəğlon əsos Huseyn ibn Ğamaya nomo fərd ki,çı Vağifiyyə fırğə rəyis be,de qıləy nomə bə İmom Rıza(ə) nıvışteşe: çokonə mumkine ki,tı İmomiş,qıləy surətədə ki,ıştı qıləy fərəzndı ni?İmomi(ə) çəy cəvobədə nıvışteşe:”tı çı komco zıneydəş ki.az çı fərzəndi soyb nibəbem?.bə Xıdo ğəssəm çandə ruj nibəvarde ki,Xıdovənd qıləy zoə fərzənd bəmı əto bəkarde ki,həxı çı botıliku co bıəkarde”. həlbəttə bə İmom Rıza(ə) ələyh təblioğti koon fəğət bə ım məsələ ayid nıbe.bəlkəm de mıxtəlifə mınosibəton vositə və mıxtəlifə məkonədə jıqo hodisəon təkror beydəəbe və İmom Rıza(ə) hejo çəvon sıxan iyən dəlilon rədd kardedəbe.jıqo de zəhərin iyən iltihobinə fəzo və şaryitədə İmom Cavad(ə) bə dınyo çəşış oj karde və jələvoni be ki,çəvon buzurquvarə pıon hamyəşonbe.İmom Rıza(ə) hamyeşe:”hazəl məvlud....ım qıləy mevlude ki.boçəmə şiəyon çəysə vey bərəkətinə mevlud oməni”....

İmom Cavadi(ə) muhimmə xısusiyyətonku qıləyni ım be ki,İmom Rıza(ə) şəhodəti bəpeştə hırdənəti sinn və devronədə imomət iyən çı mısılmonon rəhbərəti sanqinə məsuliyyətış bəştə ehdəş peqəte.həlbəttə ım məsələ inev bənə həzrəte İsa(ə) hırdənəti zəmonədə bıə nıbuvvəti və bənə həzrət Yəhya(ə) nevcıvonəti devronədə bıə peyğombəri formə be.çoko ki,Məryəmi mıborəkə surə 12-ə şərifə ayədə Xıdovənde-Xalığ hamyedə:”ya Yəhya..... tı çəmə osmoniyə kitobi de (nıbuvvəti)ğıvvə bıqət və bəy hejo həmonə hırdənəti zəmonədə nıbuvvəti məğam baxşemone”.

İmom Cavad(ə) bə Xıdovəndi məsləhət iyən hikməti əsos hırdənəti zəmonədə viloyəti soyb be və de qıləy bəliğ iyən fəsihə bəyoni elmi iyən dini məsələon de çokə formə oj kardedəbe və həmonə məsələ çə həzrəti imoməti huccət be.İmom Cavadi(ə) deşmınon veyni bo imoməti ko ğəbul nıkardey iyən bə şiəyon məsxərə kardero,elmi məclison təşkil doydəbin və mıxtəlif nev huğuği məsələon iyən şəri hukmon çın barzə məğami soyb bıə İmomiku(ə) sıvol kardedəbin.