Xıyzoni məcəllə-20

Xıyzoni məcəllə-20

Çəmə rujiqorədə həmmə kəson çı xıyzoniku sıxan kardedən və çəvon problemonku bəhs kardedən. comiyəşınos iyən sosyoloqon xıyzoni çı comiyə təşkil doə iminə həlğə və dayirə hisob kardedən. rəvonşınos iyən psixoloqon çı insonon psixi holəton rəğ-rişə xıyzoni dılədə nəvedə və təğib kardedən. alimon aylə və xıyzoni çı tərbiyə bə əməl omə vırə zıneydən və iştimoyi muslih iyən islohəkəyon harcurnə islohotçi təhəvvul və hərəkəti çı xıyzoniku bə şıkrə hisob kardedən.

Bərosti xıyzoni çanədə əhəmiyyətış heste və çəy comiyədə bıə rol çiçiku iborəte.həzrət İslomi İnğılobi Yolə Rəhnbər həzrət ayətullah Xameneyi bın zəminədə hamyedə:”məsəniyyəton və sivilizasiyəon Intiğol iyən ovoştıney və camiyədə bıə qıləy mədəniyyət və fərhənqi əsliyə unsuron iyən usulon hifz kardey və oqətey və çəy bə omə nəsli ovıştıney de aylə və xıyzoni bərəkəti bə əməl omeydə”.

İzdivoci əsos iyən çı vəyə kardey həmməysə muhimmə məsləhət.çı xıyzoni təşkil doeyku iborəte.çəy səbəb həm ıme ki.ehanə qıləy comiyədə qıləy solim və səlomətə aylə mevcud bıbu,həmonə comiyə həm solim bəbe və ıştə mədəni irson de səhihə formə bə omə nəsli mıntəğil bəkarde,obəvoştıne.həmonə comiyədə jiyə hırdənon tərbiyə de vey çokə vəch iyən formə bə vırə rosney bəbe.əve ki,həmonə kişvər və məmləkətonədə ki,xıyzonon de problemon dimbədimin,adətən mədəni iyən əxloği muşkilton icod kardedən.

Ehanə ısətnə nəslon bıpyişone ıştə zehn iyən fiki məhsulon bə omə nəslon ovoştınon və ıştə dəvardə comiyəku qıləy foydə bıbon,ım fəğət çı aylə tərkib və daxilədə mumkine.xıyzoni muhitədə ki,iminə kərə qıləy insoni həmmə hoviyyət və şəxsiyyət bə həmonə comiyə fərhənq iyən mədəniyyəti əsos bə formə dəşedə və ım pı-moonin ki,ğeyri-sərost və suni nıbə holədə iyən təbiiyi formədə ıştə fik, zehn, əməl, məlumot ,etığodon iyən mığədəsoton bə peşonə omə nəsli mıntəğil kardedən,ovoştıneydən…….

Dəvardə proqramonədə votemone ki.İronədə kollektiv iyən xıyzoni jimoni təcrubə,qıləy xısusi məsir iyən roş hests və bə fərdi jimon iyən modernə comiyədə xıyzoni fundamenti zəyfəti rəğmən,İronıjə aylə unsuron miyono ijən qeşə rabitəon məşhud və bəçəş çiyedə.əmə bo İronıjə ayləon sutunon zumandəti iyən ğoyməti isbotiro ısət bə İronıjə xıyzonon kali xısləton işorə kardedəmon.ım xısusiyyəton umumən İronıjə milli hoviyyət və dini bovəonku bə əməl omeydə.İroni ədəbiyyotədə çı İronıjə şəxsiyyəti hımmət və şəxsiyyətiku çandə qılə misolon mevcude ki,çı Firdovsi Rustəm iyən Sehrobi daston çəyku qıləy nımunəy.etığodi zəminədə həm İslomi-Peyğombər(s) iyən çə həzrəti Əhli-Beyti(ə) bo İronıjə mısılmonə xıyzoni qıləy çokə ulquye.hukmən şımə həm Hədise-Kəsa macərəon məsə.ım hədis xıyzoni sahədə de əxloği iyən tərbiyəvi nuktəon pure.de jimoni həmro çokonə rəftor kardey,de volideyn iyən fərzəndon rəftoron,bə xıyzoni uzvon ehtırom iyən təkrim,ımon həmmə çı dini yolon miyono de xıyzoni məhvəriyyət və dayirə bıə nışonəonin və həmonə rəftoron çı qıləy ironıjə aylə və xıyzoni  hoviyyət və şəxsiyyəti təşkil doydə və bə formə dənoydə……

İslomi-Peyğombəri(s) əzizə kinə həzrəte Fatməye-Zəhroku(s) nəğl bıə:iruj bəştə pı Xıdo-Rəsuli(s) xıdmət rəsim.səloım doe və ə həzrəti bəmı çımı səlomi cəvobış doe və hamyeşe:”ıştə bədənədə zəyfəti hiss kardedəm.voteme ki,çımı dədəha! Az tıni bəşmə ariz bıə və şıməni dəqətə həmonə zəyfətiku bə Xdıo pənoh doydəm.hamyeşe:ha Fatmə ha! Yəmani Kəsa və oləti biyə və mıni deəy bıpuşon.mı əvım vardeme və çə həzrəti bədənım pişneme.bə Xıdo-Rəsuli(s) çehrə nəzə kardeme.vindeme ki,bənə çordə şəvnə ovşımi dəvəşedə.iləzə və ani bəpeştə çımı zoə Huseyn ome,səlom doşe və mı çəy səlomi cəvobım doe. voteşe:ıştı palu qıləy xoşə bu hiss kardedəm.jıqo bızın çımı cədd Xıdo-Rəsuli(s)xoşə buye.voteme bəle çımı fərzənd.ha çımı dıli miyvə ha!.ıştı cədd çın oləti jiyədəy.