Qlobal Ərbəyini Şemoni haftminə mıkofotiku qıləy hesobot

Qlobal Ərbəyini Şemoni haftminə mıkofotiku qıləy hesobot

Oxonə soronədə dınyo iyən iştimoyi fik bənə dınyo həmməysə dıjdə şemoni unvoni bıə qıləy mislış nıbə fenomin iyən təzahuri şoyde.Ərbəyin,dınyoədə ha sor çı bəşəri həmməysə dıjdə iştimo iyən qırdbemone. Ərbəyin bə İmom Huseyn ibn Əli(ə) şəhodəti çılminə ruji votedən ki,de Ğəməri manqonku bıə Səfə manqi vistminə ruji təsoduf kardedə.de Huseyni Ərbəyini mınosibəti Əba Əbdullahul-Huseyni(ə) çandə milyonə aşığon çandə ruj və hətto çandə manq bənav və de paye-piyodə bə Kərbəlo səmt hərəkət kardedən və Ərbəyini ruji ıştəni bə ın şəhri rosneydən.de Bəəsi partiyə iyən rejimi suğuti 2003-ə milodi sori Ərbəyini şemoni mərosim İrağədə ijən sənibəton ehyo iyən bərpo be.çə həmonə soriku de tobə ısət ha sor bəsə navnə soronsə veyə cəmyət əyo iştirok kardedən.çın hərəkəti sıftədə dı ya se milyon inson əyo cəm beydəbin.əmmo peşonə soronədə bın Ərbəyini şemoni mərosimədə iştirokəkə zayiron rəğəm təğribən bə vist milyon insoni rəse.Ərbəyini şemoni mərosimədə aşığ iyən pokə şiəyon nəyinki,iqlə şəhr ya iqlə kişvərikuku bin,bəlkəm mıxtəlifə şəhr və məmləkətonku bin.əvon hətto həmmə həm çı İslomi iqlə fırğəku nıbin,bəlkəm İslomi mıxtəlifə fırğə və məzhəbonku və hətto ğeyri-islomi dinon nımoyəndəon həm de İmom Huseyni(ə) nomi qıləy həyəconin və əzəmətinə qırdbemon təşkil doydən ki,odəmi bə heyrət vardedə və çəy həxədə mıtoliyə kardey bo insoni foydənine.həmməkəs bə həmonə elm iyən imoni mədən və mənəviyyat,həxtələbəti iyən ozodəti sərçeşmə səmt hərəkət kardedən və ıştə ım eşğ iyən məhəbbəti bə ımrujnə maddi dınyo nışon doydən.....

İslomi İrtibot iyən Fərhənqi Onemon de bə şəhidon salar və əğə bə İmom Huseyn ibn Əli(ə) şəhodəti çılminə ruji yəni Ərbəyini erjin iyən mislış nıbə şemoni zərfiyyəti ki,çə həzrəti çandə milyon aşığ dınyo qırd vıronku piyodə iyo cəm bıən,dığğət kardə holədə 1393-ə sori yəni milodi 2014-ə sori bə ğərol ome ki,qıləy transmilli mısobiğə bərpoko ta çın mədəni,dini iyən beynəlxalğə dıjdə hodisə cilvəon loyığinə formədə bə həmmə aləmon nəzə təğdımko.boçımi əsos Ərbəyini Qlobal mıkofoti sərkatibəti bın təşkilotədə icod be və çın prizon iminə devrəş de şikil iyən foto mevzu binoş karde.bə İmom Huseyni(ə) aşığon hevujə sirətədə bın mısobiğədə iştiroki xoto,peşonə devrəonədə de film və səfərnomə mevzuon, virtual şəbəkə fəolon izofə bıey,Qlobal Ərbəyini mıkofotış hevujə cəhətədə bərpo be.de tosə ısət çın mıkofori festivaliku şəş devrə bərbo kardey bıə.çın pris iyən mıkofoti haftminə devrədə kitobi baxş və mevzu həm bəy əlovə kardey bıə.24 çoqlə kişvəriku bıə əsəron foto,xotırə nıvıştey,film və kino, daston.dılnıvıştəy və virtual aləmi baxşon bə Qlobal Ərbəyini haftminə mıkofoti redaksiyə və sərkotibəti vığandey bıə........

Qlobal Ərbəyini haftminə mıkofotədə ki,Tehronədə bərpo be,bə ın nuktə işorə kardey be ki,ha sor Dınyo səviyyədə çı Nəcəfiku bə Kərbəlo səmt bıə  həmməysə dıjdə mərosim bıə Ərbəyini şemoni mərosimi bərpo kardey,bo dınyo milləton qıləy torıxi hodisə mesaji rosneysə barz qıləy mesahi rosneydə.əxloği fəziləton bə formə dənoe və çı zayiri ruhi iyən mənəvi əhvol-ruhiyyə bəpe bardero,səyon beydə və ım çı Huseyniye Ərbəyini şemoni bərəkətonku qıləyniye.Huseyni ğəhrəmonəti simulyasiyə kardey və ım ğəhrəmonəti cərəyoni bəyji oqətey çın Ərbəyini Piyodə Şemoni coqlə təsironkuye.