Xıyzoni məcəllə-21
Xıyzoni məcəllə-21
Həsəni(ə) çı peyğombəriku(s) icozəş tələb karde ki,əv həm bə həmonə kəsa ji dəşo. peyğombəri(s) həm icozəş doe.iləzə bəpeştə de ın tərtibi peşo Huseyn(ə) ome əv həm peyğombəriku(s) jəqo icozəş se və bə həmonə əbo ji dəşe.peşo həzrət Əli(ə) ome və səlomi bəpeşt icozəş tələb karde və Xıdo-Rəsuli(s)həm bə ə həzrəti həm bə həmonə əbo ji dəşey icozəş doe.peşo mı ıştən çə həzrətiku icozəm tələb karde.peyğombəri(s) həm icozəş doe.çən,əmə penc nəfər həmonə kəsa və əbo jiyədə cəm bimon.peyğombəri(s) çə həmonə əbo dıqlə tərəfış qəte və deştə rostə dasti bə osmoni işorəş karde və voteşe:”Xıdolim ha! ıımon çımı xas,məxsus və səmimi əhli-beytin”.....
Kisa hədisi hissəon har qıləyniyədə bə peyğombəri(s) xıyzoni səlom və dorud vığandey işorə kardey bıə.çəy ğəbuləkə və kə soyb çəvon səlomi cəvobış de vey çokə vəch iyən formə doydə. bın rəvoyətədə fərzəndon de volideyni sehbətədə həmməysə çokə kəlom heste.bın nev xitobonədə muhimmə nuktə ıme ki,voldeyni de fərzəndi məhəbbət çəvon miyono bıə ehtıromışon çı miyoniku bardəş ni və har dıqlə tərəf ıştə vırə və məğami çok-çoki zıneydən.coqlə dığğət kardəninə nuktə ıme ki,de şiddəti bın rəvoyətədə məşhude və bəçəş çiyedə,icozə sıeye.zira Kəsa həmmə əhl bo bə peyğombəre-əkrəmi(s) palu daxil bıeyro çə həzrətiku icozə seydən.hətto həzrəte Fatməye-Zəhro(s) həm bo çə həzrəti palu varid bıeyro izn iyən icozə seydə və de həmməysə vey çokə sıfəton əy de çordə şəvə ovşımi sıxani tevsif kardedə.Yolə Pı yəni peyğombəre-əkrəm(s) həm de qıləy çokə iborə ıştə fərzəndon ğəbul kardedə və əvoni ıştə palu vanq jeydə və ğəbul kardedə.ə həzrət bə İmom Həsəni(ə) jıqo hamyedə:”ya vələdi və ya sahibəl həvzi və bə İmom Huseyni(ə) jıqo hamyeşe:”Ya vələdi və ya şafiə umməti”.
Xıdo-Rəsuli(s) ıştə kinəş həm de qıləy bə dıl nıştə ləğəb və iborə xitob ğərol doydə və bəy ıştə bədəni i poə xitob kardedə.jıqo ki,hamyedə:”ya binti və ya bəzəti”.qıləy iborət ki,çı kinə de dədə bıə mehr iyən məhəbbəti ovc iyən pikk həddi nışon doydə......
Bın xıyzonədə penc qılə dini yolə şəxsiyyəti huzur və iıtirokış heste.Xıdo-Rəsul(s) ,seqlə imom(ə) və iqlə xanım ki,peyğombəri kinəy və İmom Əli(ə) jimoni həmro və dıqlə imomi inəy. çın kinə həxədə həmməysə çokə təbir “ıştə pı inə” (ummu əbiha) təbire ki,jimonədə umdə rolon ifo kardedə.Əv çı xanıımon xanıme və iştimoyi iyən siyosi fəoliyyətonədə iştirok kardedə və çəy vucud çı xıyzoni nizomədə muhimme.bın kədə seqlə nəsl mevcude.Yolə Pı,volideyn iyən fərzəndon.həmçinin çın nəsli har qıləyni huzur və iştirok de iyande vindey beydə və əvon çı iqlə poydor və sabitə aylə barzə nımunən və əvon har qıləyni İslomi tale və çı İslom iyən Şiyə dınyo torıxədə ziyodə təsironış heste.
