Xıyzoni məcəllə-23
Xıyzoni məcəllə-23
Xıyzoni məsələ qıləy muhimmə mevzuye ki,farsi ədəbiyyot iyən zıvonədə muhimmə vırəş. heste və İronıjə şayiron və ənıvışton həm bəy xıyzoni məsələ qıləy məxsusə dığğətışon co kardə. Firdovsi insoni iyən ğovmon camiyəş və çəy sabitətiş bə mehro-məhəbbəti,jimoni həmro vıjniye iyən qıləy pokə xıyzon təşkil doey və qıləy ğoym və mətinə fromədə jimoni xoşə ləzəon iyən reçinətiyonku ləzzət bardey əsos zıneydə və jenı-merdəti çın insoni nevi baği mandey zəruriyə şərt hisob kardedə və de qıləy ağılmandə şivə bəy işorəon kardedə.
Imrujnə İronıjə xıyzoni indeks və əlomətonku qıləyni bənə aylə əslə sutuni unvoni merdi mevğıyyəti əvəz kardeye.jenon de ko-fəoliyyəton məşğul bıey İstehlok modeli əvəz kardey boyis bıə ki,jeni həm malikiyyətədə qıləy muhimmə səhmış bıbu və tosə qıləy həddi ğərol bekardeyədə qıləy ğudrətış bıbu.Imrujnə İronıjə xıyzonədə jenonə dınyo bə merdonə dınyo nez bıə.jenonə diyoloqon həm ruşdış kardə,ozavziyə və bə merdon səviyyə rəsə və xıyzoni daxili fəzo qıləy təsirış həm noə.xıyzoni onemonədə çın əvəz bıey təsiri barədə İroni Sosyoloqon Assosasiyə uzv və camiyəşınos bıə doktor Səccod Ocağlu vıjniyə bıə sıxanon səçın kardəmone.əv min cumlə çə sosyoloqonkuye ki,İronədə xıyzoni erjon əvəz bıey zəminədə təhğığatonış bə vırə rosnə.doktor Səccod Ocağlu votedə:Cəmyyəti normativə sistemədə əvəzon dumo erjon iyən urbanizasiya hevujətiyədə əvəzon,dıqlə mıxolifə cinsədə rabitəon miyono məhdudiyyətonış bəkam kardə ki, ıştə nebədə ziyodə rəftori ulquonku,bə xıyzon iyən camiyə normativon ayid erjon min cumlə izdivocış ıştə təsiri jiyədə ğərolış doə.qıləy əhəmmiyyətinə dərəcə ki,İronıjə camiyə və xıyzoni səth və səviyyədə bə əməl omə və ıştə bəpeşt İronıjə xıyzoni erjonış həm əvəz kardeyış zınə. Bə ımrujnə ım əvəzon təsiri xoto,jenon xıyzon iyən iştimoyi təşkilotonədə rolon qıləy əhəmiyytinə dərəcədə bə əməl omə.joqo ki,bə ım erjon icod bıey və çı jenon miyono nuyə nəzəon təsiri xoto çəvon tərəfiku jenon mığoviməton ısət çı xıyzoni ərsədə və ya sosyal ərsəonədə bıbu,icod bıə.əv təkid kardedə ki,boçımi əsos İroni camiyədə ğasbu votey bəbe ki,oxonə da sorədə jenon bəsə coqlə qruponsə vey xıyzoni erjon iyən izdivcədə çı əvəzon mənşə bıən.jenon məşğuliyyəton roli əvəz bıey ki,inev boəvon jimoni meydonədə iştimoyi iyən mədəni sərmoyə kəsb kardey hisob beydə....
