Xıyzoni məcəllə-27
Xıyzoni məcəllə-27
Imruj de kali xıyzonon çı ənənəvi holətiku bə mıosirə formə dəşey modern və mıosirə daynəti ısət çəvon miyono rəvocış pəydu kardə.bın holətədə çı kinə iyən zoə xıyzoni rol kam bıə və təşrifoti iyən formal surətədə həmonə daynəti məclisonədə iştirok kardedən.çıro ki,çın mərosimon bərpo bıey iyən dıqlə xıyzoni de iyande oşnoəti bənav,zoə de kinə de iyande və de iyande koy muhuti oşnoətiş bıə və əvon yəndeşon vində və de jıqo məclison bərpo kardey iyande şərayitiku xəbədon və de iyande qəpışon jıə.nəticədə xıyzoni çı fərzəndi vəomədə jimoni həmro vıjniye koyədə qıləy rolış mevcud ni.əmmo çun cıvonon bın muhimmə koyədə qıləy təcrubə nıbey xoto və həmçinin çun əvon bəştə emosiiyə iyən hisson quş doydən,qahi zəmon de mıəyyən beovandəti dimbədim omeydən.
İslomə dinədə mənbəon mevcude ki,xıyzonədə çı ğudrəti mərtəbə və dərəcəon silsilə tələb kardeyku hikoyət kardedə.Nisa mıborəkə surə 34-ə şərifə ayədə Xıdovənde-Aləm Kərimə-Ğıronədə çı merdon bə jenon bıə ğəyyuməti iyən yolyəti bardə bəhs kardedə və çı jenı de merdi miyono bıə zoti tafuiton həm bənə qıləy dəlili unvoni zikr kardedə.joqo ki,hamyedə:ərricalu ğəvvamunə...”.merdon çı jenon hıvoskə və ğəyyumin.bə qıləy barzəti xoto ki,Xıdovəndi(iştimo nəzəku) bo bəziyon bə cokəson nisbətədə ğərolış doə.və bə infoğon(baxşeşon)xoto ki,ıştə molonku kardedən”. Çın əmr və ko mığobilədə mrdi vəzifə ıme ki,ıştə xıyzoni maddi ehtiyocon təminko və deştə ziyodə səy və cəhdonku oko doey ıştə xıyzoni de nəfəğə nomo zıney bıə çi təminko.ım koon əncom doey və bə vırə rosney,rəvoyətonədə de bə əxloği prinsipon rioyət kardə holədə bə icoye.bənə ımi ki,Nəfəğə bəpe de jeni şə`ni və ehtiyocon mınosib bıbu.bın mənoədə ki, jen çı meri kədə məhrumiyyət və noumu hiss nıko və de qıləy şoyvonəti və çokə əhvol-ruhiyyə çı merdi kədə de kə kon idorəçəti məşğul bıbu.həmçinin Kərimə-Ğıroni coqlə ayəonədə bə merdon de oşkoə formə elon kardey bıə bə”mərufi əsli” yəni de çokə şivə və formə çı jeni hardemon iyən tankardemoni təminko.həyğətədə bə ın məsələ rioyət kardey de ım məğsədiye ki,jenı-merdəti jimon və çı jimoni rifohi təmin kardey,bəpe de xoşə əxloğ,xoşə zıvoni,dast ojəti iyən mınnət nıbə holədə çı merdi tərəfiku bə vırə rosney bıbu.
Əmmo çı merdi xıyzoni dılədə yolyəti kardey aylə sılədə çı jeni be məsuliyyətin bıey mənoədə ni. bəlkəm bə Xıdo-Rəsuli(s) hamye əsos jen ıştə merd iyən fərzəndon hıvoskə və hamiye iyən əv bın hıvoskəti və nəzorəti koyədə məsuliyyətış heste və əv bəpe ım ko mınnət nınoə holədə bə vırə bırosno.de qıləy co təbiri jen çı xıyzoni kəy dılə və daxili mudr və idorə əkə bə hisob omeydə.
Dini koşınos iyən eksperton nəzəku jıqo tafuton jenı-merdi mıştərəkə jimoni hədəfon bənav bardeyədə vey təsirine və çın təamul iyən yande dərəsey bə xıyzoni məörkəzi qaməti iyən ruşd və ozavziye boyis beydə.çıro ki,xıyzoni yolyəti məsuliyyət ki,bə merdi zoti xısləton əsos bəçəy ehdə noey bıə və əv ım ko bəzəmon de vey çokə formə bə vırə rosney bəzıne ki,jen deştə diroyət və ağılmandəti çı merdi ım roli ğəbul kardedə və əv çı jimoni boho ğeymətinə kəşti romey, kapitanəti və hidoyəti koyədə çı merdi yolyəti ğəbul kardedə və bəy tabe və itoət kardedə və bın koyədə merdi himoyə kardedə.təcrubə isbotış kardə ki,ehanə çı merdi nəzə təmin bıbu,əv səy bəkarde ıştə qırd fiki boştə xıyzoni maaş və jimoni rifohi təmin kardey cəm bəkarde və ıştə qırd məhəbbət və hisson ıştə xıyzoni dılədə cəm bəkarde.ım ko ıştən umumən çı xıyzoni fundamenti ğoym və mehkəm bəkarde və əy çı iştimoyi iyən xıyzoni anormalətiyonku əmonədə obəqəte.
