Rəməzon,çı fırsəton manq-2

Rəməzonə manq,Xıdo mehmonəti

Rəməzonə manqi bın bərəkətinə rujonədə aləm və mələkuti ıştənış dərostə ta muminon qəıy əzəmətinə ziyofətədə iştirokkon.bın mehmonətiyədə rujədoron de osmoniyə mayidə və sufrəon ğəbul kardey beydən ta çəvon con iyən dılon de mənəviyə səfo pur bıbu.bə Xıdovəndi mehmonəti manq bıə Rəməzoni iyən bın manqəsə rujə qətəkəson səlom bıbu.

Çəmə ımrujnə jimon kardə dınyoədə bo ziyodə insonon orijinalətiş bıə yeganə çi fəğət ləzzət bardeye.hardey-peşomeyku ləzzət bardey,sərvət,məğam iyən şehrət bə dast vardeyku ləzzət bardey və həmçinin coqlə ziyodə ləzzəton.çı koy işkal və irod iyoe ki,ım ləzzəton həmmə qıləy oxoş heste və əbədi mandedənin.hejo çın ləzzəton əbədi nıbey vey əcibe ki,boyis beydə insonon əvoni bə dast vardey ıştə jimoni hədəf ğərol bıdon.nəhoyətədə əvon bə puçəti iyən hədərə hissi rəseydən.ey kaş  dınyoədə həmmə insonon zınəşon be ki,qıləy ləzzəton həm heste ki,hiçvaxti çəvon oxoşon ni və bə oxo rəseydənin.hiçvaxti çəvonku bə kam beydəni və çı dastiku şeydəni. qıləy ləzzət ki,çəmə vucudi de bə jimon,imon iyən Xıdo səmt sovği pur doydə.

Bəle,əmə çı ibodəton ləzzətiku sıxaan votedəmon,qıləy ibodət ki,bo Xıdo xoto iyən boçəy roziyəti cəlb karderoye.