İlahi əsma və nomon

İlahi əsma və nomon

Xıdovəndi coqlə nomonku qıləyni həm Vədude ki,ım həm çı Xıdovəndi bəştə bandəon nisbətədə bıə məhəbbət iyən eşği pur bıey nışon doydə.Vədudi ism çı vuddə rişəku və qıləy çi piye və boəy xəy oruzu kardey mənoədəy.ım şərifə ism ərəbi ədəbiyyotədə muşəbbəhə slfəte ki,çı subutiku iyən çəy dəvomiku hikoyət kardedə.liza Xıdovəndi bə muminon nirbətədə bıə məhəbbəti sabit və zoti bıeye.yəni Xıdovənd həmişə muminonış piyedə və bəvon məhəbbət nışon doydə.co tərəfiku Vədudi muşəbbəhə sıfət məfuli məğamədə ğərol qətedə ki,bın surətədə ıştı duston dıldor iyən mahbubi mənoədəy.

Xıdovənde-Xalığ Mayidə mıborəkə surə 54-ə şərifə ayədə bə ın məhəbbəti dıqlə səviyyədə bıey işorə kardedə və hamyedə:”ya əyyuhəlləzinə amənu.....ha imon vardə kəson ha! şıməku hakəs ıştə ayiniku oqardo,(bə Xıdo qıləy ziyon nibərosne).Xıdovənd əkəson bəvarde ki,əvonış piyedə və əvon(həm) əvışon piyedə.(əvon əkəsonin ki,)çı muminon mığobilədə təvazukor və çı kofiron mığobilədə veysaxt və zumandin.əvon Xıdo royədə cihod kardedən və çı hiç qıləy mızəmmətəkə tehmətiku(sə-sıxaniku) tarsışon ni.ım çı Xıdovəndi fəzle ki,bə hakəsi ki,bıpyişe (və loyığ bıvindo) əto bəkarde.və Xıdovəndi(fəzl)hevuj və Xıdovənd əzıne.”ın ayə de oşkoə holəti bə Xıdovəndi deştə muminə bandəon miyono bıə məhəbbət iyən eşği dəlolət kardedə....

Xıdovənde-Aləm Hudi mıborəkə surə 90-ə şərifə ayədə hamyedə:vəstəğfiru ....ıştə pərvərdıqoriku məğfırət tələbkənən və bəçəy səmt oqardənən ki,çımı pərvərdıqor mehribon iyən (tobəkə bandəonış) piyedə.” Xıdovəndi Vədudi ism çəy Rəhimi nomi bəpeştəy və bə ın həyğəti işorə kardedə ki,fəğət Xıdovənd deştə Rəhimiyyəti hukmi bəştə qınokorə bandəon dığğət kardedəni,bəlkəm əvonış vey piyedəşe və boştə bandəon oqardemon iyən əvoni bəştə məhəbbətə ağuşi qəteyro və ğəbul kardero hozzıe.Buruci mıborəkə surə 14-ə şərifə ayədə həm ım mənoş heste və hamyedə:”və huvəl-ğəfurul-vədud. Və əv əbaxş iyən (tobəkə bandəonış) piyedə”.bə həmonə dəlili xotoye ki,votey beydə Xıdovənd,ıştə peyğombəron,məlayikon iyən ıştıə muminə bandəonış piyedə və əvon həm əvışon piyedə. bəlkəm əvon hiççişon bəsə əysə vey piyedənişone.........

Vədudə Xıdovənd əkəse ki,muminə bandəon əvışon piyedə və çın məhənbbəti illət və səbəb həm Xıdovəndi tərəfiku boəvon bıə qıləy fəzl iyən ehsone.çoko ki,zıneydon Xıdovənd har qıləy xəy və çokə ko binoəkəy və çun Xıdovənd ıştə bandəonış piyedə,ıştə məhəbbəti çəy dılədə ğərol doydə.odəmi dığğəti cəlbəkə çi ıme ki,Xıdovənd qıləy zəmon bəştə qıləy bandə tovfiğ doydə ta əv ıştə pərvərdıqori bıpyişe. çəy bəpeştə bə Xıdo ın pəydu kardə məhəbbəti mıkofoti ki,əv həm