Mərkəzi Asiya və Ğafğaz

Mərkəzi Asiya və Ğafğaz

Dəvardə haftədə Cənubi Ğafğazədə vəzyət nisbətən orom dəvardə.Azəriyə dindorə şəhodət təlbə məhbusi İslomi dınyoku boçəvon muşkili həll kardero tələbi Cənubi Ğafğazədə həmməysə muhimmə hodisə zıney bəbe.de ın ko əloğədor Az. Respublikə Mısılmınon İbemoni Hərəkati rəhbər Huccətul-İslom vəlmuslimin hoci Tale Bağırzadə bə de mutəşəkkilə cinoyəton mıborizə bardə idorə mustəntıği bə Xıdovəndi mığəddəsə zoti ihonəti etırozədə vəşyanəti etırozinə aksiyəş bino kardə.

Az.Respublikə kişvəri vəzərotxonə rəsmiyon de bə çın kişvəri siyosi nizomi layik iyən sekular bıey istinodən pentensiyar xıtmədədə bıə mıstəntıği bə dini be ehtıroməti cinoyətış zınəni və Xıdovəndi mığəddəsə zoti təhğır kardə amili bə cəzo rosneyku dastış kəşə.ım məsələ qıləy nuyə məsələ ni və bə ğərol bekardə mutəmərkizə nizomi təlimon əsos,devləti mıstəntiğ iyən işkəncə doə məmuron veyni dayima bə dindoron mığəddəsaton ihonətışon kardə və ıştə ko iyən fəoliyyətonışon bənav bardə.bə Xıdo iyən bəçəy peyğombəri və İslomə mubinə dini coqlə mığəddasaton ihonət və təhğır ilhom əliyevi devləti məmuron etırof sey metodonku ibaxş bə hisob omeydə.bın miyono Az.Respublikə kişvəri de mutəşəkkilə cinoyəton mıborizə bardə idorə de bandotdeli nomi məşhur bıə zindonədə de dindoronku etırof sıey məğsədi adətən ğeyri məntığiyə usul və metodonku oko doydən….

Nuyə hodisə ıme ki,məhbəsədə oqətə bıə dindoron işkəncə iyən istintoği cərəyonədə bə Mutəalə-Xıdovəndi mığəddəsə zoti ihonətış kardə və dojmonış doə ki,çəy ım hərəkət de Az.Respublikə kişvəri daxili ğanunon ziddiyyət təşkil doydə və çın mısılmonə kişvəri milləti iyən iştimoyi fikon norohətçəti boyis bıə. Az. Respublikədə islomçiyə fəalon xəbə mənbəon elonışon kardə ki,Az.Respublikə Mısılmınon İbemoni Hərəkati rəhbər Huccətul-İslom vəlmuslimin hoci Tale Bağırzodə ənəhardəti aksiyə dəvordınə holədə Az.Respublikədə de mutəşəkkilə cinoyəton mıborizə bardə idorə mustəntıği bə dini mığəddəsaton ihonət kardə mıstəntıği cəzo doeyış tələb kardə.

Im azəriyə mahbubə ruhani ıştə vəşyanəti aksiyəş “ de tosə şəhodəti marzi” nomış noə və elonış kardə:çanədə ki,bə Xıdo mığəddəsə zoti ihonət kardə kəsi cəzo doey bıəni,bəştə ənəhardəti aksiyə dəvom bədoe.

Həyğətədə hoci Tale Bağırzodə bımiş işorəş kardə ki,qırd ım təhğır iyən bə insoni erjon ihonəton ğəbul bıənin ni və bə din iyən insoniyyəti zidd bıə əməle.əy voteşe: ehanə çın cinoyəti amilon ki,çın kişvəri əmniyyət təşkilotədə işkəncə cərəyonədə ım vəhşiyonə hərəkətonış bə vırə rosnə,bə cəzo rosney nıbu,de tobə şəhobəti məğami ıştə ım ənəhardəti aksiyə dəvom bədom.

Hoci Tale Bağırzodə eyni holədə təkidış kardə:işkəncəon bə etlğodon bıə təhğır iyən  tohinon,bəpe  bo har qıləy vijdoninə insoni qıləy niqəronəti icodko.

Az.Respublikə Mısılmınon İbemoni Hərəkati cıvonə rəhbər Huccətul-İslom vəlmuslimin hoci Tale Bağırzodə bə Xıdovəndi mığəddəsə zoti təhğır kardə kəsi ım yavə əməli etırozən ım ənəhardəti aksiyə dəvordıney bəpeşt,Az.Respublikədə mutəşəkkilə cinoyəton mıborizə bardə idorədə bıə coqlə cıvonə dindoron həm bəçəy ım vəşyanəti aksiyə anqıl qıniyən və ıştə etırozışon nışon doə…….

Fəğət bə iqlə nımunə bə Az.Respublikə prezdenti çı seonist rejimi soxtə dronon nəvazişi rəgtori işorə kardey bəbe ki,ilhom əliyev Ğərəboği Dıminə Canqi cərəyonədə hejo çı milləti ğudrət iyən ıştə kişvəri silohon barzətiku mediyaonədə fəryod kəşeydəbe,ermənıstoni məğlub bıey bədiqə,ğəflətən ıştə mevğıyyətış əvəz karde.Az.Respublikə prezdent Ğərəboği Dıminə Canqi bəpeştə bə azəriyə milləti məxsusən bə çəy əskəron dığğət nıkardə holədə təkidış karde ki,israyil iyən tırkiyə silohi ğudrət Ğərəboği Dıminə Canqi zəmonədə çı Az.Respublikə bə səbarzətiş rosne.ilhom əliyevi ım sıxanon ki,boku informasiyə vositəonədə və hətto məntəğə iyən dınyo səviyyədə inikas beydəbe,bə Az.Respublikə mısılmonə milləti norohətçəti boyis be.