İlahi əsma və nomon

İlahi əsma və nomon

İlahi əsma və nomonku coqıləyni Ğadir nom iyən isme.Ğadir çı ğədərə rişəku və çı qıləy ğudrəti soybi mənoədəy ki,əy ociz kardey ğeyri-mumkine və əv harçi bıpyişe əy əncom bədoe və bə vırə bərosne və i bə hiçkəsi koməki ehtiyociş ni və hestemoni aləmi harçiku komilə surətəedə təsərruf və bəştə ixtiyori vardey bəzıne.çoko ki,Ənami mıborəkə surə 65-ə şərifə ayədə jıqo hamyedə:”Ğul huvəl-ğadiru ....vuji:Xıdo ğudrətine”.Xıdovənd qıləy mıtləğə nufuzi soybe ki,hiç qıləy canqəkə çəy mığobilədə tov vardey hınəş nibəbe və hiç qıləy muti və mıxolif çəy ğudrəti jiyədə bıə əraziku xaric bıey əzıni.çoko ki, Yasini mıborəkə surə 82-ə şərifə ayədə omə,fəğət bəy xitobko ki,bıbi,əv həm mevcuud bəbe.Xıdovəndi ğudrət jıqoye ki,deəy harçi bə vucud vardey ya məhf kardey bəzıne.qıləy holədə ki,hakəs har qıləy mığdorədə ğudrətış həm bıbu,çəy zu və ğudrət məhdud iyən qıləy ğeydış heste və əv həm çı Mutəalə-Xıdovəndi bəy əto kardə ğudrətiku bə şıkrə həm bıbu.....

Ğadirə Xıdovənd hestemoni aləmədə ıştə ğudrəti qırd məzhəron bə insoni nışonış doə ta əv ışrə pərvərdıqori,çəy peyğombəron və Kərimə-Ğıroni həxəti iyən bəçəy bo insonon bəyji kardero bıə ğudrəti İmonış vardə və çəy mığobilədə sə təzim kardedə iyən bəy səjdə kardedə.Kərimə-Ğıron de jıqo ayəon pure ki,əvon həmmə bə Xıdovəndi zumandəti iyən ğudrəti dəlolət kardedə ta millət bızınon ki,fəğət Xıdovənd ğadir iyən zumande,bandəon bəpe əy pərəstışkon və çı istiğosə və giriftorəti zəmonədə çəyku komək tələbkon və bə harçi ki,ehtiyocişon heste çəyku bıpyişone və tələbkon.....

Xıdovəndi ğudrəti dəlilon oşkoə qıləyni,osmonon iyən zəmini xılğət iyən çəvon miyono bıə məxloğati bə vucud vardeye.joqo ki,Şura mıborəkə surə 29-ə şərifə ayədə Xıdovənde-Xalıği hamyəşe:”və min ayatihi.....çəy (ğudrəti0 nışonəonku min cumlə ıme ki,osmonon iyən zəmini xılğəte və bəvonədə pərokəndə bıə coninə məxloğat  harçi xılğəte və Əv (çı aləmi behisobə osmonon iyən planetonədə bıə) mevcudoton havaxt bıpyişe boəvoni cəm kardeyğadire”.Xıdovənde-Aləm Ğıyoməti mıborəkə surə çominə şərifə ayədə həm bəştə ğudrəti təkid kardə holədə hamyedə:”bəla ğadirinə.....bəle, hətto ğadirimon çı anqıştəon( sə xətton həm) balansin və nizomin kardedəmon”……