İlahi əsma iyən nomon

İlahi əsma iyən nomon

Xıdovəndi ğudrəti dəlilon oşkoə qıləyni,osmonon iyən zəmini xılğət iyən çəvon miyono bıə məxloğati bə vucud vardeye.joqo ki,Şura mıborəkə surə 29-ə şərifə ayədə Xıdovənde-Xalıği hamyəşe:”və min ayatihi.....çəy (ğudrəti0 nışonəonku min cumlə ıme ki,osmonon iyən zəmini xılğəte və bəvonədə pərokəndə bıə coninə məxloğat  harçi xılğəte və Əv (çı aləmi behisobə osmonon iyən planetonədə bıə) mevcudoton havaxt bıpyişe boəvoni cəm kardeyğadire”.Xıdovənde-Aləm Ğıyoməti mıborəkə surə çominə şərifə ayədə həm bəştə ğudrəti təkid kardə holədə hamyedə:”bəla ğadirinə.....bəle, hətto ğadirimon çı anqıştəon( sə xətton həm) balansin və nizomin kardedəmon”……

Ğadir çı ğudrət iyən zumandəti mənoədəy.əmmo çoko ki,çımi bənav votemone,Ğadir çı Ğədri kəlməku peqətey bıə və əv həm əndozə və mığdori mənoədəy.liza mumkine ki,sıvol bənav beşo ki,çokonə ğadir de ım rəğ-rişə çı ğudrət iyən zumandəti mənoədəy.

Ğasbu çəy nuktə ıme ki,qıləy zumand iyən aqahə i nson ki,qıləy ko bə vırə rosney bıpyişe,əy çok-çoki təhğığ kardedə və qıləy əndozə peqəteydə,çəy bəpeştə ıştə ğudrət iyən zuku oko doydə.Xıdovənde-Xalığ həm hestemoni aləmi xılğəttədə həm bo har qıləy mevcudi qıləy hədd iyən əndozə nəzədə qəteydə və bə coqlə mevcudi zılm nıkardə holədə har qıləyni xılğəti komil iyən təmom bə vırə rosneydə.joqo ki, Mursəlati mıborəkə surə 23-ə şərifə ayədə hamyedə:”fəğədərna fəniiməl abidun.(əmə çın koy ğudrətımon hestebe ki,noçiz iyən həğırə nutfəku jıqo qıləy şərofətin iyən komilə inson bısoxtəmon) çən, əmə çokə təğdırəkəyonimon”…..

Har qıləy aqahə inson deştə dərk iyən mərıfəti Ğadiri ismi de Ğadirə Xıdovəndi fərmoni mıxolifət iyən mə`siyət kardə zəmonədəçı Xıdovəndi ğəhr iyən ğəzəbiku tarsışon heste və və çı qınoku bə diyəro mandedən və bə İlahi lutf iyən rəhməti səmt dim qəteydən.hakəs bızıno ki,Xıdovənd ğadire.çı intığom sıeyku bə diyəro bəmande.boçi ki,xotırcəme ki,Ğadirə Xıdovənd həkim iyən adile və əgər çəyku komək tələbko,Xıdovənd çəy ko de vey çokə formə əncom bədoe iyən bə vırə bərosne.həmçinin muminə inson de Xıdovəndi nom iyən ğudrəti qıləy vəsf nıbə şevğ iyən zevğ bəçəy dıli hakim beydə.boçi ki,de ın ismi zikri çı mumini ğəlbi hozzı kardedə.çın şərifə nomi təcəlli bəçəy qırd vucudi oqardedə.jıqo qıləy fərd Xıdo ğudrəti har qıləy çiyədə mışohidə kardedə,vindedə,votedə,məseydə iyən ləms kardedə.ehanə məzlum vağe bıbu,qıləy ğudrəti dəbərəse ki,ğudrətin bıey çəy həxe və hiçvaxti boştə həxı sıeyro İlahi huduon darışteydəni və de qıno iyən deşmınəti məşğul beydəni.muminə inson saxti,noxəşəti,norhətçəti iyən əziyyətinə vaxtonədə həmişə qıləy Ğadiri ıştə nəzədə qəteydə ki,çı har qıləy ğudrətinə kəsisə vey bəy koməkn kardey ğudrətış heste və həmmə ğudrəton bəy ehtiyociş heste.liza votey beydə muminə inson dayima və har qıləy holədə bəştə pərvərdıqori ğadir bıəey imonış heste və deçəy nom iyən zikri orom beydə…