İlahi əsma və nomon

İlahi əsma və nomon

Qıləy zəmon ki,votey beydə Xıdovənd botıne,dıqlə mənoş heste.çun ki, çəmə zehn məhdud iyən Xıdovənd noməhdude və əmə bə Xıdovəndi hiç qıləy əhotəmon ni və çəyku qıləy dırıst və səhihə dərkımon ni.əve votedəmon ki, Xıdovəndi zot boəmə məxfiye.bonobərin eyni holədə ki, Xıdovənd zohire,botın həm heste.yəni boəmə dərk bıənin ni.çı botıni coqlə məno ıme ki,bə botıni əşyo nufuz kardedə.yəni Xıdo çı xılğəti aləmi həmmə əşyo botıniku xəbədoye və bəvon elmış heste və çı həmmə məxloğati botıniku xəbədoye.Xıdovənd çəmə dılonku,çı dıyoon dıləku və çı har qıləy çi daxilku xəbəş heste.çoko ki,İmom Rıza(ə)  çı Xıdovəndi botıni həxədə hamyedə:”Xıdovəndi botın bıey bın mənoədəy ki,çı əşyo dıləku məlumot iyən aqahətiş heste və çəy tədbir deçəy dastiye”.....

Bo muminə insoni de Zohiri ismi təcəlli pəydu kardey,çəy daxil iyən botıni çəş oj beydə.əv har qıləy zərrə ki,vindedə,həmməy de holi zıvoni bə Vohidə Xıdovəndi şoydəti doydən.həmçinin de Botıni ismi bo muminə insoni təcəlli pəydu kardey,çəy nəfs vey muti iyən Xıdoku tarseydə və dərəseydə ki,Xıdovənd çəy daxili sırronku aqahe və Xıdovənd bəy nisbətədə rəhmin iyən mehribone və çəy zohir iyən botıni səfo baxş kardeydə.odəmi zohir de Zohirə Xıdovəndi nuri ruşin iyən vivriski doydə və çəy botın həm çı Ğadirə Xıdovəndi sırron xəzinəy.bə həmonə dəlili xoto votey beydə :inson bo Xıdovəndi Botıni ismi həmməysə dıjdə mənoye.zira ki,çı insoni həyğət iyən çəy rəbboniyə lətofəton jıqoye ki,çı mıtəfəkkiron ağliku həm puşniyə bıə və məxfiye və çəy həyğəton bə bo nəvəkəson zehn iyən fiki punhone.odəmi cism bo Zohiri nuri qıləy məzhər və simvole və çəy ruf həm bo botıni nuroye.....

Odəmi dığğəti cəlbəkə çi ıme ki,çandə qılə varid bıə rəvoyətonədə ğeyd bıə ki,Kərimə-Ğıroni qıləy zohir iyən botınış heste.Zohiri məno Kərimə-Ğıronədə ıme ki,qıləy zəmon Ğıroni ayəon de dığğəti mıtoliyə kardedəmon və çəy piyo təfəkkur kardedəmon,qıləy mətləb famedəmon ki,de ayəon zohiri mıtobiğ bə və de mıhovirə iyən sıxan kardey usuli bəy ihticoc və istinod votedə.həyğətədə Ğıroni ləfzi zohir qıləy sodə mənoş heste ki,de bəy ovard kardey.bo ərəbi zıvoniku oşnoətiş bıə fərdi dərk bıənine.