Məhdiye Məvud(əc)

Məhdiye Məvud(əc)

Rəbiyul-Əvvələ manq çı Zuhuri xəbə rosnə qıləy Əvəsore ki,bənə ədolət,səmimiyyət,eşğ iyən imoni bıə jimoni reçinə vılon bəvədə zizə doydə.Hicri-Ğəməri ha sor Rəbiyul-Əvvələ manqi nəvminə ruji de bəşəriyyəti dəvəşə həşi iyən çı Əhli-Beyti(ə) nuroniyə mirvari  imomət bino bıə ruje.joqo ki,əhəzrət dini təlimon bəyi iyən sıtəmkorə hukumnəton məhf bəkarde və dınyo qırd vıronədə qıləy ədolətinə hukumət bərpo bəkarde və ım dıjdə məsuliyyət bə peyğombəri(s) iyən Əhli-Beyti(ə) rostə varis bıə həzrət Huccət ibn Həsən Əskəri(ə) Məhdiye-Movudi(əc) ehdəy. Məhdiye-Movud(əc) həyğiyə intizori kəşəkəson torıxi dırozi real və həyğiyə ədoləti real kardey dumo bıən ki,jıqo qıləy ədoləti şərt,umu,mığovimət,botıli nəfy kardey iyən həxı tələb kardey de səhihə tohidi etığodi bə icoye......

Bə həmonə dəlili xoto ki,bəpe “Ğədiri-Xumi” id qətey lozıme və hərəkət kardey lozıme ki,bə Məsumə İmomi(əc) imomət iyən rəhbərəti ğıymət noey bıbu.Rəbiyul-Əvvələ nəvminə ruji nəyinki,çı Əsri İmomi(əc) imoməti iminə ruje,bəlkəm çı şiyə torıxədə qıləy muhim iyən həyoti devrə bə hisob omeydə.bə İslomi torıxi ənbəon əsos Cımə ruji 260-ə Hicri-Ğəməri sori Rəbiyul-Əvvələ manqi həştminə ruj İmom Həsən Əskəri(ə) sıbi nımoji bərpo kardey bəpeştə,çandə mıddət be ki,bə Mutəmid Əbbosi doə zəhri təsiri xoto bə şəhodəti məğami rəse,çı İmom Həsən Əskəri(ə) bıvə ğəsdış hestebe çı İmomi(ə) peştono nımoj bıvoto və de ım ko ıştə peşonə imon iyən çə həzrəti canişin elonko,əmmo bə Şeyx Səduği(ə) votey əsos  İmom Həsən Əskəri(ə) fərzənd həzrəte İmom Məhdi(əc) ıştə buzurquvarə pı bədənisə nımojış hande və de ın tərtibiıştənış peşonə imomış elon karde.

Əbbosi hukumət çandə mıddət bənav İmom Həsən Əskəri(ə) çı ciddiyə nəzorəti jiyədə ğərolış doəbe ta çə həzrəti qıləy fərzənd nımando.əmmo İmom Həsən Əskəri(ə) deştə fərzəndi vilodəti məxfi oqətey çəvon məkrinə planış botıl kardəş be.çən, çı İmom Həsən Əskəri(ə) şəhodəti bəpeştə çə həzrəti Məhdi(əc) nomo bıə fərzəndi təvəlludi xəbə pevolo be ki,həmonə zəmonədə penc sornə hırdən be və çı Əbbosi xəlifə bo İmom Məhdi(əc) pəydu kardero bıə çandə kər səyonış be nəticəş haşte.....