İlahi əsma iyən nomon

İlahi əsma iyən nomon

İmom Mosəbni Cəfəri(ə) nəğl bıə qıləy hədisədə omə rəsəki,Bəni-İsrayilədə qıləy salehə merd hestebe və çəy jimoni həmro və jen həm çokə ko soyb be.həmonə merd işəv hanədə vindeşe ki,qıləy şəxs bəy votedə:Xıdovənd fulon mığdor botıə umrış mığəddərış kardə ki,çəy nimə tı çı rifoh iyən asayişi dılədə bəbeyş və çəy coqlə nimə həm məziğə,tanqədastəti iyən fəğrətiyədə..tı çımonku har dıqlə nimə əvvəlı piyedə,bıvıjın.həmonə merdi cəvobış doe.çımı qıləy çokə jenım heste ki,çımı jimoni şərike,bəpe deəy məşvərət iyən məsləhətkom.tı peşo çımı palu bomeyş ta az bətı xəbə bədom kom qılə nimə sıftədə ixtiyor iyən səçınım kardə.sıbi zəmonədə ə merdi ıştə hani cərəyonış boştə jeni sehbət kardeşe və çəyku qıləy məsləhətış piye.çəy jimoni həmro çəy cəvobədə voteşe:tı sıftənə rifoh iyən asayişi nimə bıvıjın. ğasbu Xıdovənd bəmə rəhmko və coqlə nimədə həm ıştə neməton çəməku ğət nıko,nıbırno.dıminə şəv ome rəse və ijən həmonə şəxs bə ə merdi han ome.ə merdi bəy jıqo cəvobış doe:az boştə umri iminə nimə rifoh iyən asayişım səçın karde.həmonıə ruya iyən hani bədiqə dınyo har tərəfiku bəy dim qəteşe və əv deştə jimoni həmro çı nazo-neməti dılədə jiyedəbin.qıləy zəmon ki,İlahi neməton çəy palu vey ziyod iyən oşko be,çəy jimoni həmro bəy voteşe:bəştə nezə odəmon,hamsuyəon iyən bə ehtiyocinə fərdon koməkkə.həmonə merd bəştə jeni tevsiyəon əməlış karde və çəy umriku təyin bıə nimə de rifoh iyən asayişi dəvordıneşone.peşo çəy umri əqlə nimə həm ome dəvarde və əvon ijən maliyyə cəhəto çı çokə vəzyəti dılədə mandin.bo seminə kərə həmonə şəxs ruya aləmədə çəy palu ome və çə həmonə merdi ijən çı rifoh iyən asayişi dəvom pəydu kardey illət iyən səbəbi barədə voteşe:ıştı kardə çoki iyən ehson boyis be ta Xıdovənd bətı mıkofot mərhəmətko və de tosə ıştə umri oxo tı çı rifoh iyən neməton dılədə baği bəmandeyş”......

İlahi əsma və nomonku coqıləyni Təvvabi nom və isme.Tobə çı qınoku oqardemon və əy tərk kardey iyən de peşmonəti bə ico əy izhor kardey mənoədəy.Təvvab çı tobə kəlməku vey tobəkə mənoədəy.bın mənoədə ki,hakəs bə qıno mırtəkib bıbu və peşo tobəko iyən bə Təvvabə Xıdovəndi səmt oqardo Xıdovənd həm çəy tobə ğəbul bəkarde və ehanə ım əməl çandə kərə bə əməl booy və bandə qınoko və peşo ıştə kardə qınoku oqardo iyən peşmonəti izhorko,Xıdovənd həm çəy tobə ğəbul bəkarde və ım çı Xıdovəndi rəhməti hevujəti iyən çəy bə insoni bıə məhəbbəti dəlile.Zuməri mıborəkə surə 53-ə şərifə ayədə Xıdovənde-Aləm hamyedə:vuji:ha çımı bandəon ki,bəştə isrof(və qıno) kardəyone.Xıdovəndi rəhmətiku məyus məbənən ki,Xıdo həmmə qınoon bəbaxşe.zira Əv vey əbaxş iyən mehrobone.hətto islomədə çı Xıdovəndi baxşeşiku məyusəti kəbirə qınoye iyən dıjd hisob kardey bıə.həlbəttə de ın şərti ki, tobə həyği iyən de səmimi ğəlbi bıbu və tobəkə bəpe ijən bə qıno irtikobi ğəsdış nıbu.de ın tərtibi isnon çanədə ki,bəyjiye.de qınoonku tobə kardey iyən bə təvvobə Xıdovəndi səmt oqardemoni umudəvo bıey və məyus bıey lozım ni.....