İlahi əsma və nomon

İlahi əsma və nomon

İlahi əsma və nomonku coqıləyni Təvvabi nom və isme.Tobə çı qınoku oqardemon və əy tərk kardey iyən de peşmonəti bə ico əy izhor kardey mənoədəy.Təvvab çı tobə kəlməku vey tobəkə mənoədəy.bın mənoədə ki,hakəs bə qıno mırtəkib bıbu və peşo tobəko iyən bə Təvvabə Xıdovəndi səmt oqardo Xıdovənd həm çəy tobə ğəbul bəkarde və ehanə ım əməl çandə kərə bə əməl booy və bandə qınoko və peşo ıştə kardə qınoku oqardo iyən peşmonəti izhorko,Xıdovənd həm çəy tobə ğəbul bəkarde və ım çı Xıdovəndi rəhməti hevujəti iyən çəy bə insoni bıə məhəbbəti dəlile.Zuməri mıborəkə surə 53-ə şərifə ayədə Xıdovənde-Aləm hamyedə:vuji:ha çımı bandəon ki,bəştə isrof(və qıno) kardəyone.Xıdovəndi rəhmətiku məyus məbənən ki,Xıdo həmmə qınoon bəbaxşe.zira Əv vey əbaxş iyən mehrobone.hətto islomədə çı Xıdovəndi baxşeşiku məyusəti kəbirə qınoye iyən dıjd hisob kardey bıə.həlbəttə de ın şərti ki, tobə həyği iyən de səmimi ğəlbi bıbu və tobəkə bəpe ijən bə qıno irtikobi ğəsdış nıbu.de ın tərtibi isnon çanədə ki,bəyjiye.de qınoonku tobə kardey iyən bə təvvobə Xıdovəndi səmt oqardemoni umudəvo bıey və məyus bıey lozım ni.....

Beşək bə qıno irtikob bıey bə bandəon məxsuse iyən tobə çı qınoku rucu iyən oqardemoni mənoədəy. əmmo qıləy zəmon  tobə bə Xıdo nisbət dioey beydə,bəçəy rəhməti oqardemoni mənoədəy. Yəni qıləy rəhmət ki,bə qıno mırtəkibi xoto çı bandəonku bə diyəro kardey bıə,bə Xıdo itoət iyən bandəçəti roy oqardemoni bəpeştə bəçəy səmt oqardedə və bə həmonə dəlili xoto Xıdovəndi barədə Təvvabi təbir bə rəhməti səmt vey oqardə kəsi mənoədəy..joqo ki,Bəğərə mıborəkə surə 37-ə şərifə ayədə çı Odəmi(ə) tobə keyfiyyəti həxədə jıqo omə:fətələğğa...peşo Odəm(ə) ıştə pərvərdıqorikusıxanon omuteşe.çən, Xıdo deştə rəhməti çəy tobəş ğəbul karde....