İlahi əsma iyən nomon
İlahi əsma iyən nomon
İlahi əsma iyən nomon
Muminə bandə madam ki,bın dınyoədə,hejo çı şəytoni vəsvəsəon, nəfsoni keşməşeon,həmçinin ğəfləton, sıstətiyon və ehyanən çı məyusəti mə`rəzədə ğərol bıqəto,bəçəy çı İlahi məsir iyn royku mandey iyən suğut kardey boysi beydə.qırd bın vıronədə Təvvabə Xıdovənd deştə rəhməti bəy təvəccuh iyən dığğət kardedə və deməkə ki,çandə kərə əv fırsiyə,əmmo ro ijən boçəy oqardemon iyən tobə kardey oje. De Xıdovəndi təvəssuti boştə qınokorə bandəon çandə kərə ro oj kardey,çı Xıdovəndi Təvvabə ismi əsəronkuye.
Xıdovəndi Təvvab bıey bə insoni ğudrət iyən umu doydə ki,har qıləy mısibətədə bə ikəsi səmt oqardedə ki,Təvvab həm bəçəy səmt dim qətedə,oqardedə və bandə bəpe bə ın neməti şukrkon və çın neməti şukr həm ıme ki,bənə Təvvabə Xıdovəndi çı milləti coqlə uzri ğəbulko. çoko ki,İmom Huseyn(ə) hamyedə:”ehanə qıləy merd bəçımı rostə quşi dımjon bıdo və bəçımı coqlə quşi uzrxahətiko,çəy uzrxahəti az ğəbul bəkardem.çıro ki,Əmirəl-Muminin Əliyyibni Əbi Tolıb(ə) bomı nəğlış kardə ki,çımı cədd Xıdo-Rəsuliku(s) məsəşe ki,hamyəşe:”bə Kovsəri hovuzu varid nibəbe ikəs ki,qıləy uzri ğəbul nıko.ısət çı mıvəccə(yəni etıborinə bəhonə) bıbu ya nıbu......
Xıdovəndi coqlə ism iyən nomonku qıləyni həm Muntəğimi nome.Muntəğimi kəlmə çı Nəğmi rəğ-rişəku və çı cəzoədə iyən mızəmmətəkə mənoədəy.intiğom de Nəğmi kəlmə və çəyku bə əməl omə kəlməon bə ico 17 kərə Kərimə-Ğıronədə oko doey bıə ki,çəy ço kərədə Xıdovənde-Xalığ ıştəni de Zu intiğam ismi təğdım kardedə.joqo ki,Ali-İmrani mıborəkə surə seminə şərifə ayədə,Mayidə mıborəkə surə 95-ə şərifə ayədə və həmçinin İbreymi mıborəkə surə 47-ə şərifə ayədə Xıdovənde-“Aləm hamyedə:Allahu Əzizun, Zuntiğam”.və Xıdovənd məğlub nıbə iyən intiğəstəne.və Zuməri mıborəkə surə 37-ə şərifə ayədə jıqo hamyedə:”Allahu Əzizun, Zuntiğam”de qıləy co iborəti har çoqlə vırədə Zuntiğami kəlmə və ism çı Əzizi nomi kəno omə.bə mıfəssır iyən təfsırəvonon əğedə əsos çın dıqlə ismi bə ico bıey ki,Əziz çı məğlub nıbə kəsi mənoədəy ki,dayima ğalib omey və barzəti pəydu kardeyış heste və intiğom sıey bəzıne.....
