Nəhcul-Bəlağə pand iyən hikməton-13

Nəhcul-Bəlağə pand iyən hikməton

İmom Əli(ə) hamyedə:”Mən zəyyəə....ikəs ki,çəy nezə odəmon əvışon vodoə,əvon ki, diyəron,boəy (himoyə iyən koməq kardero) hozzı bəbeyn.

Səbarzə xıyzonon barizə xısusiyyətonku qıləyni ki,çəy uzvon hiçvaxti əy ıştəku rədd kardedənin.əvon zıneydən har qıləy muşkil ki,boçəvon har qıləyni bənav beşeydə,bəçəvon xıyzoni həmmə qıləyni ayid beydə.nəticədə səy kardedən ki,de bə şəxsi çərçivə ayid məsələon oqətey,bo iyande ım əmnə fəzo hozzı kardedən və ehtiyoc bıə surətədə bə iyande komək və iyande himoyə kardedən.əmmo qahi zəmon iqlə xıyzonədə kali bə xoş nıomə amilon bə fərdi çı ayləku tojney iyən ixrac kardey boyis beydə.

İmom Əli(ə) Nəhcul-Bəlağə çordəminə hikmətədə bə əkəson ki,ıştə nezə odəmon tərəfiku tojnə bıə və bəvon məhəbbət nışon doey nıbə kəson,dılvandi və umudəvo doydə ki,bəpe çın cərəyoniku məyus nıbon.çıro ki,Xıdovənde-Aləm dayima boəy coqlə qıləy ro oj və bəy komək bəkarde.İmom(ə) hamyedə: ”mən zəyyəə... ....ikəs ki,çəy nezə odəmon əvışon vodoə,əvon ki, diyəron,boəy (himoyə iyən koməq kardero) hozzı bəbeyn.....

Həyğətədə ım İlahi hikmət və ğanune ki,insonon deştə nezə odəmon iyən duston vəsilə himoyə beydən, əmmo ehanə əvon bəştə vəziəfon əməl nıkardeşone və bə sileyi-rəhm iyən bəştə dustiyə məsuliyyəton peşt qordıneşone,Xıdovənde-Xalığ ım məsuliyyəton bə cokəson ehdə bənoe ta çəy bandə çı hodisəon tufoni miyono coyli nımandon.

Məsələn Ğureyşi ğəbilə ki,bə Peyğombəre-Əkrəmi(s) nez bıə həmməysə nezə ğəbilə bə hisob omeydəbin,əmmo əvon bə ə həzrəti məhəbbətışon nışon nıdoe və ə həzrətışon ıştə ğovm və ğəbiləkuşon tojniye.əvon peyğombərışon Şibi Əbi Tolıbi dərbədər kardeşone,əvonışon çı ixtisodi cəhəto çı məhdudiyyət və mıhosirə şərayitədə ğərolışon doe və de har mumkin bıə vəsilə çəvon əndişə iyən fikon intişor iyən pevolo bıey vəy qəteydəbin.əmmo Xıdovənde-Xalığ çı Ğureyşi ğəbiləku bə diyəro bıə dıqlə ğəbilə yəni Yəsrib(Mədinə)şəhrədə jiyə Ovs iyən Xəzrəci ğəbiləş bo əhəzrəti himoyəro vıjniyeşe.

Əvon həm həm deştə con iyən dıli ə həzrətışon himoyə kardeşone,çəy vardə ayin iyən din ğəbul kardeşone və bənav bardeşone tayinki,İslomi azizə peyğombəri(s) səbarzə formədə bə Məkkə şəhri oqarde və çı tohidi pərçəmış çı Kəbə Kə piyo rostış karde və əyo ejeşe...