Reyhonə,jenon iştimo iyən xıyzonədə

Reyhonə,jenon iştimo iyən xıyzonədə

Həzrəte-Əli(ə) hamyedə:”Əlmərətu rəyhanə və leysət biğəhrəmonə.jen reyhonəy, nəyinki, ğəhrəmonə.

Kərimə-Ğıron sırfən qıləy təfsirış nıbə ğanunon silsilə ni.Ğıronədə həm ğanun heste,həm torıx,həm moyizə,həm xılğəti təfsir və həmən çandə həzo coqılə mətləbon.Kərimə-Ğıron çandə qılə ayəonədə bə ğanuni məsələ işorə kardedə ,çandə qılə ayəonədə hestemoni aləmi təfsir kardedə,coqlə ayəonədə zəmin,osmon,rəsəy,heyvon iyən isnoni xılğəti barədə və coqlə ayəonədə həm çı maq,jimon iyən ğıyoməti ruji həxədə pardə peqəteydə.Kərimə-Ğıron fəlsəfi kitob ni.əmmo çı fəlsəfə seqlə mevzu yəni dınyo, camiyə iyən insoni həxədə ıştə nəzəş de ruşinə formə bəyonış kardə.Kərimə-Ğıron bo bəşəri hidoyətiro bıə ım osmoniyə kitob sırfən de pand iyən nəsyəton koy məşğul beydəni,bəlkəm de xılğət iyən hestemoni təfsiri bəştə muxotəbon qıləy xısusi dınyovindemon doydə və çı harcurnə səhfi roy bo mızəmmət bıə kəson dəvasto….

Jeni həxədə təhğıramizə nəzəonku qıləyni ki,mevcud bıə ıme ki,jen çı merdi vucudi mığəddimə iyən vəsəy və əv bo merdi ofəyə bıə.İslom de komilə oşkoə formə votedə ki,zəmin iyən osmon,avə və vo.beməy iyən dınyo,umumən həmmə məxloğat bo insoni ofəyə bıə və bo insoni ki,həmmə çiy çəy təsxiri jiyədəy,qıləy cinsiyyət ğayil bıəni.

Çımisə əlovə Kərimə-Ğıron Bəğərə mıborəkə surə 187-ə şərifə ayədə jenı-merdi çı iyande libos iyən olət zıneydə və hamyedə:”hunnə libasu…jenon şımə ziynət iyən olətonin və şımə(həm) çəvon ziynət iyən oləton”.bə ın ayə əsos jenı-merd çı iyande olətin və bəsə iyande reçinəti iyən yavətiyonsə təsir noydən.co tərəfiku libos və olət çı reçinəti iyən dərsotey moyə bıeysə əlovə,yavətiyon həm puşniyedə və bın cəhəto jenı-merd iyande yavəti və bədə çiyon puşniye iyən edoey bəzıneyn….

Kərimə-Ğıronədə bəyon bıə muhimmə məsələonku qıləyni,jenı-merdi mevzuye.Ğıron de komilə oşkoə surəti Nisa mıborəkə surə 1-ə şərifə ayədə işorə kardedə ki,jenon çı merdon cins iyən nevikuon və bənə merdi bıə qıləy təbyətiku ofəyə bıən və hamyedə:”Ya əyyuhənnas…ha millət ha! Iştə pərvərdıqoriku bıtarsənən.həmonə Xıdo ki,şımə həmməş ilqə coniku ofəyəşe və çəyku həm (çəy)zevcəş ofəye və  çə dıqləku aləmi ətrofədə merdı-jeniku ziyodə xəlğış vıjniyeşe”.