Fransədə əbo tankarde ğədəğən bıey
Fransədə əbo tankarde ğədəğən bıey
Fransədə əbo tankarde ğədəğən bıey
Fransədə əbo tankarde ğədəğən bıey
Bə fransə milli maarif iyən cıvonon vəziri əmri əsos mısılmonə şoqirdon sentyabrə mani çominə ruji nuyə təhsili sori sıftəku,de əbo bə məktəb omey əzınin.gabriel attal iyulə manqi sıftəku çe fransə milli maarif iyən cıvonon vəzirəti posti bə dast qətə rujiku,elonış karde ki,de əbo bə məktəb omey qıləy məzhəbiyə hərəkəte və çımi mığobilədə qıləy hərəkot bəkarde.əy təkidış karde ki,bə dərsi klas iyən sinfi daxil bıə zəmonədə bəpe məlum iyən mıəyyən nıbu ki,şoqirdon kom din iyən məzhəbikon.fransə prezdent emmanuel makroni həm votəşe:məzhəbiyə simvolon məktəbonədə vırəş ni…
Fransə çe avropə məmləkəton miyono de ziyodə mısılmonə cəmyəti,oxonə da soron dırozi hejo bo mısılmınonro bə diskriminasiyə iyən dini məhduiyyəton tətbiği şoyd bıə.avropədə bıə ın kişfər qıləy layikə nizomış heste iyən Anti-İslamizm və İslomofobiyə cəhətədə navəjəne,2004-ə sorədə çe mısılmonə şoqirdon bə çın kişfəri məktəbon daxil bıeyış ğədəğən be.2010-ə milodi sori həm niğobiku oko doeyış bo mısılmonə şoqirdon ğədəğənış karde və peşonə soronədə ın prosesi dəvomış karde.oxonə soronədə həm de əbo bə tankarde şoqirdon bə məktəbi so daxil bıey ğədəğən kardey həm həmonə siyosəti dəvome.
