Pars Today

Nəhcul-Bəlağə pand iyən hikməton

Əmirəl-Muminin Həzrət Əli(ə) hamyedə:ehyanə ım şımşi bə mumini vıni bıjənom ki,dışmen bıbu,deşmın nibəbe və əgər həmmə dınyo bə mınofiğon qəv şodom ki,demı dust bıbon və ın bəçəy xotoye ki,Xıdo hukm bə pəyğombəri(s) zıvon cari bıə ki,hamyeşe:ha Əli ha!mumin detı dışmen nibəbe və mınofiğ detı dust.

İmom Əli(ə) Nəhcul-Bəlağə çılı pencminə hikmətədə bə dığğət kardəninə nuktəon işorə kardedə ki,çəy təsiron çe İmom Əli(ə)jimoni torıxi dırozi vindənine.İmom(ə) bın hikmətamizə sıxanədə jıqo hamyedə: ləov zərəbtu xəyşuməl mumin.....ehyanə ım şımşi bə mumini vıni bıjənom ki,dışmen bıbu,deşmın nibəbe və əgər həmmə dınyo bə mınofiğon qəv şodom ki,demı dust bıbon və ın bəçəy xotoye ki,Xıdo hukm bə pəyğombəri(s) zıvon cari bıə ki,hamyeşe:”ya Əliyyu la yəbğizukə mumin.....ha Əli ha!mumin detı dışmen nibəbe və mınofiğ detı dust.

Çın şərifə hədisiku istifodə kardey beydə ki,Əmirəl-Muminin mıborəkə vucud Həzrət Əli ibn Əbi Tolıb(ə) de həmonə barzə mərıfət iyən sıfəton çe mumin iyən mınofiği mığoyisə meyore.muminon ki,ıştə sıfəton çə buzurquvarə şəxsi şua jiyədə vindedən,bə ə həzrəti rufi,əxloği iyən etığodi barzə xısləton eşğışon heste.əmmo mınofiğon ki,ıştə etığod iyən sıfəton de həzrət Əli(ə) sıfət iyən etığodi maarifon zid diyyətədə vindedən,əve bə ə həzrəti ələyh çəvon dılonədə kin-kudurət və dışmenəti perəseydə.əve İmom Əli(ə) hamyedə:ehyanə çe mumini vıni de şımşi bıjənom,demı dışmen nibəbe.boçəy xoto ki, yəğınən zıneydə bəvədə qıləy məsləhət bıə.əmmo ə həzrət ki,hamyedə:əgər qırd dınyo bə mınofiği qəv ekom,demı dust bıbu,nibəbe,çəy məfhum ıme ki,çəy anədə və əxtə təəssıb,ədovət,kin-kudurət və dışmenətiş heste ki,ehyanə təmom dınyo həm bəvon doey bıbu,ıştə yavə iyən inhirofə royku dast nibəkəşe.

Odəmi dığğəti cələkə çi ıme ki,peyğombəre-əkrəm (s) iyən çə həzrəti səhobəonku omə rəsə ziyodə rəvoyətonədə mumini de İmom Əli(ə) məhəbbəti zıney və həmçinin mınofiği de bə ə həzrəti bıə dışmenəti barədə çe şiyə iyən əhli-sınnəti məşhurə kitobonədə hebujə şikilədə omə.çoko ki,bənə Ənsabul-Əşrəf,Sunən kitobon çe Əbu Səyid Xudriku nəğl bıə ki,votedə:”əmə Ənsari cəmyət mınofiğon de bə Əli ibn Əbi Tolıbi(ə) buğz iyən dışmenəti səbəbi zıneydəbimon”.həmçinin coqlə hədisədə omə:iruj Xıdo-Rəsul(s) bəştə əshobonku qıləyni hamyeşe:”ha Xıdo bandə ha!bo Xıdo xoto bıpyi iyən bo Xıdo xoto nifrətkə və bo Xıdo xoto ıştə dustiyəti buruzkə və bo Xıdo xoto dışmenətikə.zira Xıdovəndi viloyət (dustiyəti və sərpərəstəti) ğərəz demon bə dast omeydəni və qıləy odəm çe imoni məzə çaşteydəni. harçənd çəy nımoj-rujə ziyod həm bıbu.bın rujonədə çe milləti de iyande bıə dustiyəti iyən dışmenəti bə dınyo xotoye.və ın çe Xıdovəndi nəzdədə qıləy erj və ğeymətış ni”.həmonə merdi voteşe:ha Xıdo-Rəsul ha! az çokonə bızınom ki,bo Xıdo xoto dustiyəti ya dışmenəti kardedəm?.kom kəs çe Xıdo duste ta əy dust bıqətom və kom kəsi dışmen bıqətom?.Xıdo-Rəsul(s) bə həzrət Əli(ə) işorəş kardə və hayəşe:”ımi vindedəş?.həmonə merdi voteşe:bəle.ə həzrəti hamyeşe:çın merdi dust Xıdo duste.çən,əy dust bıqət və çəy dışmen Xıdo dışmene.çən,deçəy dışmeni dışmen bıbi.çəy dusti dust bıqət hətto ehyanə ıştı pı iyən fərzəndi ğatil həm bıbu və çəy dışmeni dışmen bıqət hətto əgər ıştı pı iyən fərzənd həm bıbu”......