Mığəddəsə Mıdofiyə haftə
Mığəddəsə Mıdofiyə haftə
Mığəddəsə Mıdofiyə haftə
Sivilizasiyə çe qıləy milləti hoviyyət iyən şəxsiyyəti təşkil doə tərkib hissəy və ziyodə hodisəon çəy bə formə dəşeyədə rolışon ifo kardə. Sivilizasiyə alimon və mıhəğğiğon jıqo hisob kardedən ki,bənə vəhdət iyən zumandəti,təavun iyən həmkoti,əxloği iyən mənəvi erjon bıə kilidə kəlməon sivilizasiyə barzəti iyən inkişofədə və bə formə dəşeyədə muhimmə təsirış heste.İraği bəəsi rejimi bə İroni ələyh həştsornə təhmili ya məcburi canq harçənd iqlə cəhəto de ziyodə xərobətiyon bə ico be,əmmo coqlə cəhəto İroni İslomi İnğılobi daxilədə bə çın məfhumon dıjd bıey boyis be və millətonədə çe İslomi təməddun iyən sivilizasiyə ğoymətiyədə ki,de İroni 1979-ə sori inğıəlobi bə əməl omey icod be,qıləy mislış nıbə rolış hestebe.
Milodi 1980-ə sori sentyabrə manqi vistı dıminə ruji İraği bəəsi rejim bə İroni ələyh qıləy təcavuzkoron iyən nobərobərə canqış bino karde və İroni yolə millət de zumandəti,isar iyən vəhdəti qıləy dıjdə ğəhrəmonətişon ofəye ki,çe İroni mıosirə sivilizasiyə torıxədə de “Mığəddəsə Mıdofiyə” unvoni ğeyd kardey beydə.çe İroni milləti miyono ım mislış nıbə daston çe vəhdət,iştirok,isar və fədokorətiyon,rəşodəton iyən səbarzətiyonış çe dımeni mığobilədə bə nımoyiş noşone.
