Hacağə Seyd Həsən Amili ehandımon
Hacağə Seyd Həsən Amili ehandımon
Hacağə Seyd Həsən Amili ehandımon
Bismillahir-Rəhmanir-Rəhim.bəştə əzizon Az-da har qıləy vırədə çəmə sədo məsə azizə Tolışi əhali heste,çımı bəvon səlomım heste.boştə əzizon dıvo kardedən boəvon izzətım piyedə.çe Xıdovəndi rizvan iyən roziyətim piyedə.çe amerkə torıxədə ehyanə mılohizə bıkon,ə 75 sor ki,seonist rejim icod kardey bıə,amerkə ikərə həm İMT-ədə bə israyili zidd iyən ələyh sədoş doəni.boçi jıqoye?.bın dıjdi məmləkət boçi ıştə abru ekardedə bə israyli po bıni.zıneydon ısət həmmə dınyo iştimoyi fik bə israyil,bə amerkə və bə avropə ələyhe.anədə həm xun ru kardey bəbe?.ısət 18 həzo dəvarde,beqınoyə insonon. çımon niməş hırdənonin,çanədə həm jenonin.əslən torıxədə jıqo qıləy cinoyət bıəni.2 manqi dılədə əxtə xun ru kardey bıə.de jıqo xun ru kardey bə kom vırə və bəştə kom məğsədi rəsey bəzıne?.hukmən rəsey nibəzıne.kin-kudurət ziyod bəbe.həni çanədə ismoyl həniyyəon icod bəbe ,həni çanədə simbaton icod bəbe.peşo jıqo qıləy dıjdə cinoyətədə həmmə kəs fik kardedən ki,çokonə jıqo qıləy dıjdə məmləkət ıştə abruş jıqo noəşə bə tarac,bə ğarət.amerkə səfiron asiyədə qıləy nomə nıvıştışone bə amerkə prezdent baydeni ki,tı bə israyili xoto çe ərəbon ray və sədo çe dasto doe.yəni ərəbi aləm umumən bəçəmə ələyh be.aya ım rostə ko be əmə vindemone.mı dılım heste çe məsələ mazqi bıvotom və əv həm ıme ki,yəhudiyon bə amerkə dılə nufuz kardəşone.bəvon votedən Amerkə israyil İştimoyi Əloğəon Komitə(AIPAC) çəvon qıləy mərkəzışon heste.yolə səhyoniston həmmə əyon.əvon qırd amerkə bəqordıneyn.joqo ki, amerkədə ikəsi vıjnemonədə prezdent səçın kardeyışon piye,əslə roli ifo kardə aypəki təşkilote.amerkə prezdenton ki, aypəkiku anədə tarseydən ki,çe konqres,parlament,çe amerkə Senati deputatonku nibətarseyn.əve çe amerkə daston bə xuni ğərğ bıə.və bayden həm sinnış bəpeye və çəy ağlədə qıləy muşkil heste,əve çəy xarici koon vəzir blinkeni qırd koonış bə dast sıə.bayden çiç votedə çe netanyahu sıxane,çiç votedə çe blinkeni sıxane.və hələ ımruj baydeni elonış kardə ki,həni anədə cinoyət məkə və qırd dınyo iştimoiyyət har ləzə mumkine bəştı ələyh bıbu.bınim çanədə çəy ağl ko kardedəni və zıneydəni ki,xeyli vaxte dınyo iştimoiyyəti fik bə israyili bə amerkə və bə avropə ələyhe.amerkə iyən avropə ehyanə bıpyişone bə dınyo rəyisəti bıkon,de diskriminasiyə yolyəti kardey nibəbe.bə ikəsi məxsusə həx ğayil bıbuş nibəbe.de ğovmiyyət,ğəbiləvi,unsurçəti iyən irğçəti dınyo idorə kardey nibəbe və vəomədə bə vey dıjdıə hodisəon səbəb bıey bəzıne.amerkə millət iyən avropə devlət vey dıjdə devləton bə kəno bənon.şımə vindeyone ki, londonədə anədə camaat cəm bin,hiç zıney nıbe anədə insoni oxo komco orəxeydə.çımı dust hollandiyədə votedə ki, mandim bə həmonə mitinqi çanədə nəzəm karde ta çəy oxo bıvindom,qıləy vırədə sə bıbu,sə nıbe.çanədə cəmyət ıştən əvon həmmə xristiyənin,mısılmınon həm nıbin.çok ımon maşki bə vıjnemon bomeyn,ımon maşki sədo və ray bədon. çokonə ımon bə israyli xoto mardedən və hozzon ıştə mevğıyyəton bıdon.çəvon hukuməton peqardon,əmmo bə israyili qıləy zərəl nırəso.iyo çe mısılmınon qıləy dıjdə vəzifəş heste.islomi devləton ne əvon həmmə çe amerkə nokən. amerkə votedə bımard mardedə votedə bımand mandedə.çe əmr kardedə əvon həm bəy əməl kardedə.nə çe israyli səfərotxonə bastedəın və nə çəy səfiron ıştə məmləkətonku tojnedən.veyə koon veyə mığopviləon ki,iqləyni həm ləğv kardedənin.fəğət mısılmonə millətonku Xıdo dəbəparse pəyğombər sıvol bəkarde.çəvon bənav çəmə vijdon çəməku dəparseydə ki.əmə çımon vədə tam məjənəmon və ıştə devləti məcburkəmon ta həxıku mıdofiyəkon.islomi və mısılmonon mıdofiyəkon.ın məzlumon mıdofiyəkon.və əvvəl Beytul-Mığəddəs ki.çe mısılmınon iminə ğıbləy və pəyğombər çəyu bə merac şıə.qıləy sırrış heste ki,çəyu bə merac şıə.boçi Məkkəku bə merac nışe.boçi Xıdovəndi peyğombərış sıftədə çe Məkkəku Məscidul-Həramiku peqəteşe vardeşe bə Məscidul-Əğsa və voteşe bəpe çiyo bışoş bə merac.məlume ki,anədə əvrə mığəddəse.əmmo ısət sıpə dənoydən bə həmonə vırə bə Məscidul-Əğsa.do-domjonışon doe bə etıkofədə bıə mısılmınon.bə etıkofədə bıə kəson behurmətəti kardeşone.jenon uryon kardeşone.mısılmınon jenonku şikil kəşeşone.çanədə cinoyəton oxoyədə həm təbiiye əvon cəvob doşone.votedən vardey heste əmmo qardey ni.Xıdovənde-Mutəol İmom Zəmon(əc) rəyrə bırosno və mısılmınon mısılmonə milləton oğo bıko ta əvon ıştə izzətonku mıdofiyəkon.vəssəlamu ələykum və rəhmətullah və bərəkatuhu.
