Nəhcul-Bəlağə pand iyən hikməton
Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət Əli(ə) hamyedə:”ha dınyo ha!mıku bə diyəro bımand.aya bəmı ıştəni nışon doydəş?ya bəmı meylı heste ta qıləy ruj çımı dılədə qıləy vırə bıqətoş? Hiçvaxti nıbobənıbo.ğərəz mı cokəsi bə dast dənə ki,bətı çımı qıləy niyozım ni.bətı se kərə təloğım doə ki,həni bəvədə oqardemon ni.ıştı jimoni devron kuto,ıştı erj kam və ıştı oruzu exroce. ah,kamə azuğəku və roy dırozəti və mənzıli diyəroəti iyən ğıyoməti ruji əzəmət”.
Nəhcul-Bəlağə 77-ə hikmət çe Zirar ibn Səmrə de mıoviyətibni əbu sufyoni miyono qıləy mıfəssələ diyaloq və votemoniku qıləy baxşe.mıoviyə xilofəti zəmonədə çəvon miyono qıləy dido və vindemon bə əməl ome və Zirar ki,de həzrət Əli(ə) qıləy dustiyəti iyən mıoşirətış hestebe,piyeşe ki,ə həzrəti tevsif bıko.Zirar sıftədə ğəbulış nıkarde,əmmo çe mıoviyə isrori bədiqə jıqoş vote:bızın ki,Əli(ə) qıləy barzə məğamış hestebe.vey zumand iyən ğəvi be.həxə sıxan votedəbe və bə ədoləti əsos huk kardedəbe və çəy daxilku çe elm iyən zıney çeşmə bə cuş omeydəbe və çəyku hikmətamizə sıxanon sadir beydəbe.iqlə şəv vindeme qıləy holədə ki,çe şəvi toykəti pardəon saru oməbe və Əv ıştə ibodəti mehrobədə mandəbe.ıştə mıborəkə rişonış bə dast qətəşbe və bənə mori jıə şəxsi şat bıəbe və sute-sute bəmeydəbe və voteydəbe:”ha dınyo ha! mıku bə diyəro bımand.aya bəmı ıştəni nışon doydəş?ya bəmı meylı heste ta qıləy ruj çımı dılədə qıləy vırə bıqətoş? Hiçvaxti nıbobənıbo.ğərəz mı cokəsi bə dast dənə ki,bətı çımı qıləy niyozım ni. bətı se kərə təloğım doə ki,həni bəvədə oqardemon ni.ıştı jimoni devron kuto,ıştı erj kam və ıştı oruzu exroce.ah,kamə azuğəku və roy dırozəti və mənzıli diyəroəti iyən ğıyoməti ruji əzəmət”.
Əmirəl-Muminin Həzrət Əli(ə) bə dınyo xitobən bıə de hikməti pur bıə sıxanon ki,hamyedə:”ha dınyo ha!ha dınyo ha!mıku bə diyəro bışi” bə ın Nəbəvi hədisi işorə kardedə ki,”Hubbuddunya ra`su kullu xətiə”-yəni dınyo piye və dınyo pərəstəti çe həmmə qınon sərçeşməy.çe dınyo milləti əksər çe dınyo əsirin.İmom Əli(ə) dınyoş bə zəmin jıə iyən əvış həbs kardə və icozə doydəni ki,çəy məhəbbət iyən çəy cəh-cəloliku izərrə həm bəçəy vucudi nufuz pəyduko.liza İmom Əli(ə) ıştə bə dınyo xitobi dəvomədə hamyedə:bışi ğərəz mı cokəson bə dast dənə ki,tı mıni bədast eğandey nibəzıneş. zira ki,bətı se kərə təloğım doə bəy rucu iyən oqardemon mumkin ni.(qıləy zəmon ki,fərd se kərə dumo yənde qıləy merdi jen bıbu və ha se kərə təloğış sıəbu,həni de həmonə şəxsi ijən sənibəton izdivoc iyən bəy ovard kardey həxış ni).
İmom Əli(ə) min cumlə çə fərdonku be ki,həmməysə çokə xorək hardey iyən həmməysə çokə olət bə tan kardey və çokə məskən iyən maddi imkonaton soyb bıey əzıni və çəvonku boştə iyən boştə xıyzoni uzvon hozzı kardey əzıni. əmmo ə həzrəti hiçvaxti jıqoş nəkarde və çe rifohinə jimoniku bə diyəro mande.ə həzrət ıştə bə islomi dınyo hukuməti devron iyən zəmonədə bəştə Bəsrə şəhrədə bıə ostandor iyən valiyonku qıləyniş nomə nıvışte və ıştə çe dınyo barədə bıə siyrə və rəftorış jıqo bə təsvirış kəşe:bızınən ki,şımə İmom ıştə dınyoş bə dıqlə kanə oləti bə dı tikə nuniş ğənoət kardə.
Odəmi dığğəti cəlbəkə çi ıme ki,həmonə imom ki,boştə axırəti aləmiro veyə azuğəş hozzı kardə,jıqo sıxan votedə:Əv ki, Xıdo pəyğombər(s) Xəndəxi canqədə çə həzrəti həxədə jıqoş hamyəbe:”Lizərbəti Əliyyin yəvməl-Xıəndəği əfzəlu min ibadətis-səğəleyni”.Əli bın canqədə jıə zərbə,çe cın iyən insi ibodətisə vey barze”.ın sıxan iyən çımi kəno çandə da qılə ayəon ki,bə Əmirəl-Muminin Həzrət Əli(ə) fəziləton işorə kardedə,de ə həzrəti bəşəvnəy kardə ibodəton ki,i şəvədə i həzo rıxət nımoj votedəbe və çə həzrəti coqlə kardə ibodəton ki,bə həmmə kəson heyrət və çoçinəti səbəb bıə,əmmo lakin İmom Əli(ə) çın hikməti oxoyədə çe axırəi səfə dırozəti iyən çəy azuğə və tuşə kamətiku şikoyət kardedə və hamyedə:”ah çe azuğə kamətiku iyən çe səfə dıroz iyən diyəroətiku”.
