Nəhcul-Bəlağə pand iyən hikməton
Nəhcul-Bəlağə pand iyən hikməton
Nəhcul-Bəlağə pand iyən hikməton
Və ğalə Əli(ə)”xuzil hikmətə....hikmət harco həm bıbu omutənən.zira kİ,qahi zəmon hikmət çe mənofiği sinədə bıbu və çəy sinədə orom nıqəto ta xaric bıbu və coqlə hikməton kəno çe mumini sinədə vırə bıqəto”.
Əmirəl-Muminin Həzrət Əli(ə) Nəhcul-Bəlağə hafto nəvminə boho ğeymətinə kəlomədə jıqo hamyedə:”hikmətamizə sıxanon harkiku həm bıbu ğəbulkə.hətto əgər əy votəkəs mınofiğ həm bıbu”.peşo bəçəy dəlili işorə kardedə və hamyedə: ”zira hikməti məğam çe mumini sinədəy.əve,bəhisob ehyanə əv de qıləy tərığ və roy vositə bə mınofiği sinə daxil bıbu,əyo orom nibəqəte tayinki,bəştə əsliyə vırə bırəso və çe co hikməton kəno çe mumini sinədə vırə bıqəto”.
“Hikmət” qıləy həxə kəlome ki,mehkəm iyən zəvol ğəbul kardedəni və miyoniku şeydəni.Xıdovənde-Mıtəol ki,bə Kərimə-Ğıroni “Həkimə kitobi” nomış noə,boçəy xotoye ki,Ğıron çəy zəmonədə sıxan votedə,ğəşənq qəp jeydə və çəy kənoədə dəlil iyən sənəd mevcude.ısət ki,Əmirəl-Muminin Həzrət Əli(ə)hamyedə ki,hikməti omutənən,hətto əgər əy bəyonəkə mınofiğ həm bıbu.bəçəy xotoye ki,hikmət çe mınofiği dılədə qıləy vırəş ni.ehyanə mınofiğ çe hikməti dərsədə bınışto və qıləy hikmətış omute,ın hikmət çəy ğəlbədə no orome.zira har qıləy çi bəpe ıştə vırə və məkonədə ğərol bıqəto.liza hikmət çe mınofiği ğəlb və dıli bə təlatum iyən iztırob ebəğande.
Xıdovənd Əbəsi mıborəkə surə 24-ə şərifə ayədə bə insoni bədəni daxil bıə xorəki əhəmiyyəti işorə kardedə və hamyedə:”fəlyənzuril insanə ila təamihi –inson bəpe bəştə xorəki nəzəko”,çın ayə kəno bıə kali təfsiri kitobonədə jıqo rəvoyət bıə ki,iqlə şəxsi İmom Məhəmməd Bağıri(ə) dəparseşe:”insoni nəzə kardəninə xorək və təam çiçe?.İmom(ə) çəy cəvobədə jıqo hamyeşe:”bın ayədə təamiku mənzur iyən məğsəd “elme” ki,inson əy omutedə və həlbəttə inson bəpe dığğətko ki,elmi kom kəsiku omuteydə.çıro ki,elm çe rufi xorəke və çokə xorək bə səlomətəti və bədə xorək həm bə noxəşəti səbəb beydə”.
Isət mumkine de çın mətləbiku oqohəti ın sıvol bənav beşeydə ki,çokonə İmom Əli(ə) hamyedə ki,hikmətamizə sıxanon hakəsiku həm bıbu,omutənən.hətto əgər çəy votəkəs iyən bəyonəkə mınofiğ həm bıbu.əmmo elmi həxədə jıqo votey beydəni?.çın sıvoli cəvob ıme ki,əksər vıronədə çe hikmətamizə sıxani həxəti və dırıstəti anədə ruşin iyən vazehe ki, harco iyən harkəsiku həm bıbu,əy ğəbul kardey bəbe.əmmo inson elmi həxədə ki,əy de ustodi etımodi omuteydə,bəpe ikəsi palu bışo ki,dindorəti iyən mənəvi nəzəku etımod kardənin iyən elmi cəhəto vey barzə səviyyədə bıbu.
Əllomə Şuştəri Nəhcul-Bəlağə şərhədə bə qıləy cozibədor iyən cəlbəkə nuktə işorə kardedə ki,deçəy zikri ın kəolomi bə oxo rosneydə.Əllomə Şuştəri nəğl kardedə:”İbn Muborək Hicri-Ğəməri dıminə sori yolə fəğih iyən mıhəddis kuçəonədə orom-orom poyedəbe ki,çəmış bə qıləy məst və sərxoşə merdi peqıne ki,de barzə vanqi avaz və nəğmə handedəbe.İbn Muborək ıştə oləti dastəvusə və kəşiku qıləy koğəzış bekarde və çəy şeyrış nıvışte.bəy voteşone:tı çı qıləy sərxoş iyən məstə şayiriku şeyr nıvışteydəş?.əy voteşe:bəqəm tı qıləy məşhurə zərbul-məsəlı məsəni ki,votedə:”rubbə cəovhərə fi məzbələ” vey mumkine qıləy qovhər eqıno bə leşt iyən xəşəli dılə.voteşone:bəle.voteşe:ım həm çe ancəvər iyən leşton miyono bıə qıləy qovhər be”.
