Bə Ğərbi Asiyə hodisəon qıləy nəzə
Bə Ğərbi Asiyə hodisəon qıləy nəzə
Bə Ğərbi Asiyə hodisəon qıləy nəzə
2023-ə milodi sor dəvardə işambə ruji bə oxo rəse.əmmo seonist rejimi bə Ğəzzə ələyh canq ijən dəvomış heste.ın dəvardə rejim seşambə şəvi Həmasi ofisi rəyisi mıovin bıə Saleh Əlaruriş Beyruti şəhrədə de Həmasi co 6 nəfər komandiron iyən uzvon bə ico terrorış karde.demi bə i zəmon Ğəzzə milləti ğətli-am həm dəvom pəydu kardedə və çe şəhidon iyən zəxmin bıə kəson rəğəm ziyod bıə holədəy.
seonist rejim dəvardə seşambə şəvi de qıləy terroistə əməliyyoti Livani zəminədə Həmasi ofisi rəyisi mıovin bıə Saleh Əlaruriş de ın Hərəkoti co 6 nəfər komandiron iyən uzvon bə ico bə şəhodətıış rosne.ın terror qıləy şərayitədə əncom doey be ki,seonist rejim çın terrori i haftə bənav çe İroni hərbi mışovir iyən çe mığoviməti dayirə Suriyədə himoyə baxşi məsul şəx bıə seyd Rəzi Musəviş terror karde.
Əlaruri terror bə Tufonəl-Əğsa əməliyyot iyən Ğəzzə canqədə bıə barzə roli dəlili xoto əncom doey be. Əlaruri ıştə şəhodəti bənav de Press TV interviyuədə votəşbe ki,oktyabrə manqi haftminə ruji əməliyyot bə Ğudsi işğaləkə rejimi iyən bəçəy kəşfiyyoti aparati qıləy dıjdə şokış daxil karde.
In terroron həmməysə ziyodə çe seonist rejimi Ğəzzə canqədə bəştə hərbi hədəfon rəsey koyədə bıə məğlubiyyəti qıləy etırof be.ın rejim Ğəzzə canqədə dıqlə əsliyə hədəfış hestebeki,çımonku iborəte: sehyonistə əsiron ozodəti iyən Həmasi çe miyoniku bardey.se manqi bədiqə Ğəzzə tanqə de həvoku bomabradımon kardey iyən zəmini canqi ın rejim bəştə hiç qıləy hədəfon dast pəydu kardeyış zınəni və netanyahu kabinet ısət işğal bıə əraziyonədə çe təzyiği jiyədə ğərolış qətə.liza həm seonist rejim və həmən netanyahi şəxsən bə çın canqi noliyyəton qıləy niyozışon heste.
seonist rejim ki,Tufonəl-Əğsa əməliyyotədə çəy kəşfiyyot iyən hərbi ubuhət və hərbi əzəməti iddio be etıbo be ki,əve boştə etıbo oqordıneyro bə Ğəzzə milləti ələyh sanqinə həmləonış bino karde.əmmo de tosə ısət ın rejim bəştə hədəfon rəsey koyədə nokom mandə və çe tel-avivi hərbi iyən kəşfiyyoti iddido be etıbo bıeyış tiki həm ziyod kardə.co tərəfiku netanyahu həm de şiddəti ısət işğal bıə əraziyonədə çe təzyiği jiyədə ğərolış qətə.çəy tənğıdəkəyon bın bovədən ki,netanyahu bo ın Ğəzzə canqi bə oxo rosnero hiç qıləy strateqiyəş ni və çe əsiron xıyzonon həm de mızokirə roy vositə əsiron ozod kardey tələb kardedən.sərdor seyd Rəzi Musəvi iyən Saleh Əlaruri terror və seonist rejimi çe Kermani terroristə hodisədə dast bıey ehtımol,bo Ğəzzə canqədə sanqinə məğlubiyyəti bəkam kardey iyən işğal bıə əraziyon daxilədə etırozon nıştonıeyroye....
Dıqlə terroristə əməliyyot ki,seonist rejim dəvardə hafətədəş əncom doe,Suriyə iyn Livanədə be.sərdor seyd Rəzi Musəvi Dəməşğədə və Saleh Əlaruri Livanədə terror be.seonist rejimi dıqlə cinoyət çın kişfəron hakimiyyəti darışteye.əmmo eyni holədə ımi bəyon kardedə ki,seonist rejim cəhd kardedə de Ğəzzə bıə canqi cəbhə hevujko və ıştə ğərbiyə mıttəfiğon məxsusən amerkə po bə ın canqi səmt ojko.harçənd ısət həm bə çandə qılə sənəd və fakton əsos min cumlə de Əmniyyət Şuraədə de canqi təcili oqəteyro bıə ğətnomə veto kardey amerkə oşkoə mıxolifəti,ısət məlume ki,vaşinqton bə Ğəzzə ələyh bıə canqədə qıləy huzur və iştirokış heste.əmmo bə nəzə rəseydə ın nev iştirok bo tel-avibi ğaneəkə ni.əve əv səy kardedə ki,amerkə sərost iyən mıstəğimə formədə çın canqi hərbi əməliyyotonədə qıləy iştirkoış bıbu....
