İroni Macarıstonədə bıə səfirəti:Netanyahu osonə pəncəon peştono bıənine

İroni Macarıstonədə bıə səfirəti:Netanyahu osonə pəncəon peştono bıənine

İroni Macarıstonədə bıə səfirəti:Netanyahu osonə pəncəon peştono bıənine

İroni Macarıstonədə bıə səfirəti çe seonist rejimi sərvəziri bə Macarıstoni bıə səfə zəmonədə çın  rejimi fəoliyyəton,ə cumlə həm de Ğəzzə tanqədə qenosidi əloğədor ğeydon bə nəzə seyə holədə, çəy anti-İronə ritorikaş rədd kardə.

Pars-Tudey bə İroni Tələbəon Xəbə Aqentəti(İsna) istinodən doə məlumoti əsos,İroni Macarıstonədə bıə səfirəti çe seonist rejimi sərvəzir Benyamin Netanyahu bə Macarıstoni bıə səfə zəmonədə bə İroni əleyh sıxanon bədiqə elonış kardə:Netanyahu,dunyoədə məşhurə hərbi cinoyətkore ki, beynəlxalğə səviyyədə niqəronəkə fociyəvi cinoyətonıç əncom doə və hırdənəkışt,beynəlxalğə məhkəməon tərəfiku həmməysə vey bə nəvemoni doə bıə kəse və çe Fələstıni bumiyə sakinon bə “mıstəmləkə məhvi” səmt bardə aparteyidə mıstəmləkə onemoni lidere,İronış bo sulhiro təhlukəş hisob kardə!çe məsxərəamizə şoue!.

İroni Budapeştdə bıə səfirəti bəyonış kardə:Netanyahu iyən deəy bəico bıə kəson bəpe çe osonə pəncəon peştono bıbon;əv,bə har qıləy sadistə psixopatiı ağli omə har qıləy cinoyətış əncom doə. İroni Macarıstonədə bıə səfirəti təkidış kardə:seonist rejimi iminə vəzir və çəy təmsil kardə cinoyətkorə dastə həyğətən həm nəyinki,fəğət bo dınyo sulhiro,bəlkəm bo insoniyyət və bo umumi bəşəri erjonro təhlukənine.

Cımə şəvi,netanyahu apreli 3-ədə bə Macarıstoni səfə zəmonədə bə İroni əleyh sıxanonış kardə və votəşe:Ğərbi sivilizasiya və yəhudi-xristiyan sivilizasiya çe zumandə dışmeni hucumi jiyədəy və ım dışmen çe İroni rəhbərəti kardə radikalə İslome.