Ğıroni prizmaku jimoni məhorəton

Ğıroni prizmaku jimoni məhorəton

Ğasbu şımə de həyəconi pur bıə ləzəon vey təcrubə kardəyone.ə ləzəon ki,ya de şoyvonətiyon və ya de ğəmqinətiyon pur bıə.bo har qıləy insoni çəy harujnə jimoni dırozi hodisəon bə əməl omeydə,qıləy xəbə məsedə,qıləy fik çəy sədə dəvarədə iyən əməlon əncom doydə ki,ımon həmmə kardey bəzıne bəvədə qıləy hiis və həyəconon icodko.ım hisson biyədə bıə dınyo və hətto çəmə ıştə təfəkkur tərzi həxədə qıləy məlumat hozzıkəy ki,ıştə novbədə bəçəmə peşonə rəftoron təsir kardedə.çoko ki,əmə şoyvonəti kardedəmon,ım ehtimol heste ki,əmə qıləy çok ləzəon dəvordınəmone iyən qıləy zəmonədə ki, ğəmqinimon,ehtimalən həmonə ruj bevəcə hodisəon bə əməl omə.

Həyəcon iyən hisson qıləy botıni təcrubəonin ki,daxili iyən xarici hodisəon mığobilədə əmə insonon hiss kardedəmon.bənə ğəzəb,ğəm,şoyvonəti,tars iyən co qılə hisson.mıxtəlifə fərdonədə curbəcurə hisson təcrubə, şiddəti nəzəku çəy peşonə rəftorədə de veyə farği bə nəzə çiyedə.

Ehanə de bənə ğəm,ğəzəb iyən iztirobi həyəconon holəti səhihə formədə rəftor nıbu,ım həyəconon kardey bəzıne bıə insonon ruhi iyən cismoni səəlomətəti mənfiyə təsir bıno.əve de həyəconon mıborizə bardey çı jimoni muhimmə məhorətonkuye iyən əmə ğadir bedəmon ta ıştə ya cokəsonədə bıə həyəconon mıəyyənkəmon,çı həyəconi bə insoni rəftori noə təsiri şivə bızınəmon iyən kardey bızınəmon bə mıxtəlifə həyəconon qıləy mınosibə reaksiyə nışon bıdəmon.

Çun çok və bə xoş omə hisson bə insoni enerji doydə,hejo jəqo həm bə xoş nıomə hisson həm bə insoni mənfiyə enerjiyon ovoştıneydə.bəmə lozıme ki,əmə ıştə harujnə bovə əvəzkəmon ta ıştə vucudədə mısbətə  emossiyaon icodkəmon.mısbətə fikədə bıə fərdon  bə xoş omə hisson təcrubə kardedən iyən ım mevzu insoni zehni bo məntıği şikilədə təfəkkur kardero oj kardedə.co tərəfiku bədbinə fərdon məsələ həlli bə zehni daxil bıey roy qəteydə və hejo bə xoş nıomə hisson bə vucud vardedə.İmom Əli(ə) hamyedə:”ıştə fiiku mığət bıbu ki,ıştı sıxan bəbe iyən ıştə kəlməonku mığət bıbu ki,ıştı rəftor bəbe.ıştə adətiku hodi bıbu ki,ıştı şəxsiyyət bəbe və ıştəşəxsiyyətiku mığət bıbu ki,ıştı tale iyən sərnıvışt bəbe.”.

Xışm iyən ğəzəb bə insoni rəftori mənfi təsir noə hiss iyən həyəcononkuye.əmmo de ın holi insonədə zəruri rəftoron iyən hissonku bə hisob omeydə.ım hiss əgər səhihə şikilədə çəyku oko doey bıbu,bə insonon iştimayi rabitəon və bəçəy jimoni dəvomi qıləy foydəninə təsir noydə.ehanə inson ım hissi kontrol kardey bızıno ya səhihə formədə mudiriyyət bıbu,kardey bəzıne ziyodə fərdi iyən iştimayi problemon həllko.bə həmınə dəlili xoto ım həyəconi ibzor kardey bə qıləy səhih və kontrol bıə mudiriyyəti ehtiyocış heste ki,kardey bəzıne har fərdi rəftorodə qıləy foydəninə rol ifoko.bə həmınə dəlili xoto vey faxtone ki,psixoloqon bo ım noxəşəti muolicə kardero bəy dığğət kardedən. Kərimə-Ğıron həm de bo insoni hidoyəti hədəfi nozil bıə iyən ıştə nozil bıey vey muhimmə dəlilış çı insoni bevəcə əxloğ iyən rəftori isloh kardeyış zınə və bə ın məsələ qıləy dəğiğə nəzəş kardə.

Xışm iyən ğəzəbi holət vey təhlukəninə holətonkuye ki,əgər çəy vəy qətey nıbu,qıləy cındoəti holəti insonədə bə vucud vardedə.bın surətədə bə insoni i umr cərimə pərdaxt kardey boyis bıə cinoyəton və səhvə ğərolon icod bedə.

Kərimə-Ğıron Ali-İmrani mıborəkə surə 134-ə ayədə  ğəzəbi ebordıney,çı pərhizkoron (ıştə ğeyzi ebordınə) kəson barzə sıfətonku elon kardedə.kazım luğətədə de ovi pur bıə məşki sə dəbastey mənoədəy.ğeyz yəni ğəzəbin beıy holəte iyən qıləy fovğəladə ruhi hisse ki,inson nodırıstə çiyon mışohidə kardey bədiqə bəvədə bə əməl omeydə.

Çoko ki,insonədə xışm iyən ğəzəbi otəş şuləvər bedə,insoni bədəm normal holətiku xaric bedə və əv təbiiyi surətədə fik iyən dərk kardey zıneydəni.jəqo insoni ağl çok-çoki ko kardedəni və ıştə funksiya çı dasto doydə.liza bo ağl iyən rufi səloməti xoto,çı ğəzəbiku bə diyəro mandey xoto ziyodə sıfarışon omə. məələsəf ğeyz iyən xışm qıləy hissonin ki,çəy kontrol kardey vey saxt iyən çətine.ıştə ğəzəbi kkontrol kardey bə insoni mənəvi cəhəto təkamuli iyən bəçəy imoni rufi zumandəti boyis bedə.islomi əzizə pəyğombər hamyedə:zumand ə şəxse ki, canqədə zumand bıbu.zumand ə şəxse ki,ğəzəbi faxti bəştə nəfsi hakim bıbu”.çə həzrəti nəzəku Xıdovənd ıştə ğəzəbi ebordınə şəxsi dıli de imon iyən oroməti pur bəkarde.Kərimə-Ğıron çı insononku tələb kardedə ki,ım məhorəton bə dast biyən ta kardey bızınon çı cokəson səhvonku dəvardon.Şura mıborəkə surə 37-ə ayə bə yod dənoydə ki,ilahi mıkofot bo çok iyən sabitə şəxsone ki,dıjdə qıno iyən yavə əməlonku ictinob kardedən və çoko ki,ğeyzin bedən,ıştə ğeyzi ebordıneydən.