Эрон миллий ўтириб волейбол терма жамоаси тўққизинчи марта жаҳон чемпионлигини қўлга киритди

Эрон миллий ўтириб волейбол терма жамоаси Босния ва Герцеговинани 3:1 ҳисобида мағлуб этиб, жаҳон чемпиони бўлди.

Парс Тудейнинг ИРНА ахборот агентлигига таяниб хабар беришича, ўтириб волейбол бўйича жаҳон чемпионатининг 14-мавсуми финал баҳси бугун, жума куни Хитойнинг Ҳанчжоу шаҳрида бўлиб ўтди. Унда жаҳоннинг саккиз карра чемпиони Ҳодий Ризоий шогирдлари Босния миллий терма жамоасига қарши майдонга тушди.

Эрон терма жамоаси жаҳон чемпионати финалида ўз юлдузларининг ёрқин ўйини эвазига Босния терма жамоасини 3:1 ҳисобида мағлуб этди.

Ҳодий Ризоий шогирдлари ушбу ғалаба билан ўзларининг тўққизинчи жаҳон чемпионлиги унвонини нишонладилар. Эрон терма жамоаси бундан аввал жаҳон чемпионатларида 8 та чемпионлик, 2 та вице-чемпионлик ва 1 та учинчи ўринни қўлга киритган эди.

Эрон ва Босния миллий терма жамоалари ушбу мусобақа финалига йўлланма олгани билан бирга, 2028 йил Лос-Анжелес Олимпия ўйинларига иштирок этиш ҳуқуқини ҳам қўлга киритдилар.