Исломий инқилоб муаззам раҳбарининг Эронда жума куни бўлиб ўтган сайловга доир баёноти
https://parstoday.ir/uz/news/iran-i18688
Исломий инқилоб муаззам раҳбари Оятуллоҳ Хоманаий ҳазратлари сайловда одамларнинг кенг миқёсда ва қизғин иштирок этишлари ҳамда барча сайлов участкаларида турли ижтимоий қатламлардан бўлган сайловчиларнинг узундан узоқ саф тортиб туришлари, исломий халқчиллик фундаментининг мустаҳкам эканлигининг ошкора нишонасидир
(last modified 2018-10-15T16:10:25+00:00 )
май 21, 2017 11:31 Asia/Tashkent

Исломий инқилоб муаззам раҳбари Оятуллоҳ Хоманаий ҳазратлари сайловда одамларнинг кенг миқёсда ва қизғин иштирок этишлари ҳамда барча сайлов участкаларида турли ижтимоий қатламлардан бўлган сайловчиларнинг узундан узоқ саф тортиб туришлари, исломий халқчиллик фундаментининг мустаҳкам эканлигининг ошкора нишонасидир

      Меҳрибон ва раҳмли Аллоҳ номи билан. 

      Ассалому алайкум, қадрли тингловчилар.

     Таҳлилий эшиттиришнинг бугунги сонини эътиборингизга ҳавола этаман.  

     Бугунги  суҳбатимиз “Исломий инқилоб муаззам раҳбарининг Эронда жума куни бўлиб ўтган сайловга оид баёнотига”га доир мавзуга бағишланади.     

     Эшиттиришимизни охиригача бизга ҳамроҳлик қиласиз деган умиддамиз.

      Исломий инқилоб муаззам раҳбари Оятуллоҳ Хоманаий ҳазратлари кеча шанба куни, 19 май жума куни Эрон бўлиб ўтган сайлов муносабати билан мурожаат йўллаб шундай таъкидладиларки, сайлов ғолиби Эрон халқи ва исломий жумҳурияти тизими бўлиб, душманларнинг фитналарига ва уринишларига қарамай, ушбу буюк миллатнинг ишончини қозонишни уддасидан чиқишди ва ҳар бир сайлов даврида ёрқинлик ва порлоқ келажакни кўрсатишди. Исломий инқилоб муаззам раҳбари Оятуллоҳ Хоманаий ҳазратлари ушбу мурожаатида шундай қўшимча қилиб ўтдиларки, сайловда одамларнинг кенг миқёсда ва қизғин иштирок этишлари ҳамда барча сайлов участкаларида турли ижтимоий қатламлардан бўлган сайловчиларнинг узундан узоқ саф тортиб туришлари, исломий халқчиллик фундаментининг мустаҳкам эканлигининг ошкора нишонаси бўлиб, бу ҳам бўлса халқнинг аҳл-иноқлиги ва бирлигининг очиқ-ойдин намунаси эди. Шунингдек, Эрон ва эронликларга амалдаги синов майдонида ифтихор бағишлади ва уларнинг юзларини ёруғ қилди. Исломий инқилоб муаззам раҳбарининг қайд этишларича, Эрон ислом жумҳурияти яна бир бор ичи қора, ҳасадгўй ва ёвуз ниятдагиларни орқага чекинтирди.

     Ул ҳазрат шундай айтдиларки, халқ сайловдан кейин ҳамжиҳатлик билан ўзаро бирлашсин. Шубҳасизки, бундай жипслашув миллий иқтидор ва истиҳкомнинг муҳим омили бўлади ва ҳамма одамлар мамлакатни юксак мақсадлар сари етаклашга саъй-ҳаракат қилишсин. Шунингдек, Оятуллоҳ Хоманаий ҳазратлари мамлакат президентига ва келгуси давлатда иштирок этадиган барча масъулларга қарата кўрсатма бериб шундай таъкидладиларки, юрт муаммоларини бартараф этиш учун ўзларининг бор куч имкониятларини ишга солиб ҳаракат қилишсин ва ушбу ишда сусткашликка йўл қўйишмасин ҳамда заиф қатламларнинг риоясини қилиб, қишлоқ ва фақир минтақаларга этибор қаратишсин. Шу билан бирга коррупцияга қарши курашиш ва ижтимоий камчиликларни ҳал этиш масаласини ўз дастурларининг устувор вазифаси этиб белгилашсин. Жума 19-май куни Эрон ислом жумҳурияти 12-давлати учун бўлиб ўтган президент сайловининг якуний натижаларининг эълон қилинишига асосан, ушбу сайлов номзоди Ҳасан Руҳоний 23 миллиондан кўпроқ овоз билан яъни сайловчиларнинг 57 фоиз овозини қўлга киритиб Эрон ислом жумҳурияти президенти этиб иккинчи муддатга қайта сайланди. 

     Эрон ислом жумҳурияти 12-давлати учун президент сайлови, шаҳар ва туман маҳаллий кенгашлари сайлови билан бир пайтда жума куни бутун Эрон бўйлаб ўтказилди. Марказий сайлов округини очишдан олдин аҳоли ўзларининг сиёсий тақдирларини белгилашда ва ўз юртларининг президентини сайлашда бевосита рол ўйнашлари мақсадида сайлов округларида овоз бериш учун аллақачон саф тортиб бўлишган эди. Конституциянинг 114-моддасига асосан, Эронда мамлакат президенти халқнинг тўғридан-тўғри овозлари билан тўрт йил муддатга сайланади. Эрон Ислом жумҳурияти президенти сайловида халқнинг бевосита ва ҳақиқий роли уларни сайлов участкаларига тортди ҳамда сайлов округларида ва участкаларида миллионлаб сайловчиларнинг кенг миқёсли иштирок этишлари овоз бериш учун сайлов марказларида тарихий ва ёдда қоладиган қилиб намойиш этишди. Шунингдек, Эрон ислом жумҳурияти президент сайловининг тарихида янги кворувни қайд этди. Сайловчиларнинг овоз беришлари учун сайлов участкаларидан узундан узоқ саф тортиб соатлаб туришлари, одамларнинг сиёсий соҳада масъулиятли эканлигини яна бир бор жаҳон халқларига намоён этишди. Бундан кўзланган мақсад эса, Эрон ислом жумҳурияти тизимининг тақдири халқнинг қўлида бўлиб, ушбу таъсирга эга бўлган ролдан тўғрилик билан фойланишади.

      Эрон ислом жумҳурияти президенти сайловида 41 миллиондан ортиқ сайловчиларнинг иштирок этиши одамларнинг сиёсий етуклигининг нишонаси бўлиб, Эрон халқининг кун сайин тараққий этиб боришини, сиёсий майдонда иқтидор ва қудрат билан намойиш этишди. Эронликларнинг мамлакат президенти сайловида қаҳрамонларча кенг кўламда иштирок этишлари ҳамда тарихий ва ошкора мурожаатлари ҳам одамларнинг исломий тизим билан мустаҳкам яқин эканлигининг намунасидир. Халқнинг ва тизимнинг ушбу ҳамроҳлиги яна бир бор исломий тизимга ёмон ниятдагилар мувозанатини барҳам берди. Жума куни аҳолининг ҳамма қатлами ва табақалари ҳамда сиёсий доиралари биргалашиб саҳнага келишди ва елкама-елка туриб Исломий жумҳурият тизимига овоз беришди. Эрон халқи ушбу синовдан ифтихор билан ўтди. Бу эса, Исломий жумҳурият тизими ва инқилоб учун қимматли захира бўлиб, ушбу тизим фундаментини олдингидан кўра янада мустаҳкамроқ ва барқарор бўлишида туртки бўлди.  

     Муҳтарам тингловчилар, " Таҳлилий эшиттиришга" ажратилган вақт ўз ниҳоясига етди. Дастурларимиз давом этади. Мен эса сизлар билан хайрлашаман. Яна радио тўлқинларида учрашгунча хайр, меҳрибон ва раҳимли аллоҳ паноҳида қолинг.