Руҳоний: АҚШ ядровий келишувдан чиқса Эрон ҳам ўзининг вариантларини қўллайди

Агар АҚШ президенти Дональд Трамп Эрон билан ядровий келишувдан воз кечса, у ҳолда бу Америка Қўшма Штатларига қимматга тушиши мумкин

Эрон ислом жумҳурияти президенти Ҳасан Руҳоний , агар АҚШ президенти Дональд Трамп Эрон билан ядровий келишувдан воз кечса, у ҳолда бу Америка Қўшма Штатларига "қиммат"га тушиши мумкин деб айтди.

БМТ Бош ассамблеясининг 72-сессиясида иштирок этиш учун Нью-Йоркка келган Эрон президенти Ҳасан Руҳоний НБС телеканалига берган интервьюсида шу ҳақида маълум қилди. Ҳасан Руҳонийнинг сўзларига кўра, АҚШнинг келишувдан чиқиши қимматга тушади.

Эрон президенти "америкаликлар ўзларига фойда келтирмайдиган нарса учун бундай "баланд нарх" тўлашни исташмайди", деб ҳисоблайди. Унинг айтишича, агар АҚШ президентининг маъмурияти ядровий келишувдан чиқса, бу  халқаро ҳамжамиятнинг Вашингтонга бўлган ишончига путур етказади. 

Эрон президенти Теҳроннинг ҳар қайси мамлакат томонидан ядровий қурол ишлаб чиқаришига ҳар доим қарши эканлигини таъкидлаб шундай айтдики, ядровий қурол дунё хавфсизлиги учун наф келтирмайди.