Эрон давлати Американинг ядровий келишувдан ноқонуний чиққанлиги юзасидан баёнот берди

Баёнотда, АҚШ президентининг ядровий келишувдан ғайриқонуний чиқишини Америка томонидан ядровий келишувни поймол этишдаги ҳаракатларининг охиргиси эди деб атади ва шундай таъкидладики

Эрон ислом жумҳурияти давлати пайшанба куни кечқурун Американинг ядровий келишувдан ноқонуний чиқишига муносабат билдириб баёнот берди. 

Эрон давлати ўз баёнотида, АҚШ президентининг ядровий келишувдан ғайриқонуний чиқишини Америка томонидан ядровий келишувни поймол этишдаги ҳаракатларининг охиргиси эди деб атади ва шундай таъкидладики, Трампнинг Эроннинг буюк халқига қарши шармандали нутқи ва Эрон давлатига қарши асоссиз айбловларни илгари суриши унинг нодонлиги ва жоҳиллигини очиқ-ойдин намоён этди. 

Бу ишда, фақат Ўрта Шарқ минтақасига тажовуз қилиб, ушбу минтақадаги халқларнинг тинчлигини ва осойишталигини издан чиқаришга уринаётган режим ютқазади холос.

 Американинг иттифоқчиси бўлмиш сионистик режим эса инсон ҳуқуқларини оёқ ости қилиб халқаро қонун-қоидаларга эҳтиром кўрсатмасдан бошқа юртларга босқинчилик ҳаракатларини содир этиб, уларга ўз ёвузлигини ошкора кўрсатиб келмоқда.  

Эрон давлатининг таъкидлашича, АҚШ президенти Доналд Трампнинг асоссиз ва намойишкорона кулгили пропагандаси ядровий келишув мавзусида ҳеч қандай эътиборга ва қадр-қийматга эга эмас.