Шамхоний АҚШ элчихонасининг Телавивдан Қудсга кўчирилиши қоралади

АҚШ президенти Доналд Трамп терроризмни ҳимоя қилишда ва ядровий келишувни бузишда шунингдек халқаро битимларни ва қонун-қоидаларни поймол этишда стратегик хатоларга йўл қўйди

Эрон миллий хавфсизлик олий кенгаши котиби АҚШ элчихонасининг Телавивдан Қудсга кўчирилишини кескин қоралади ва ушбу ҳаракатларни ғайриқонуний ва Фаластин халқининг ҳуқуқларини поймол этиш ҳисобланади деб атади. 

Али Шамхоний бугун душанба куни АҚШ элчихонасининг Қудсга кўчирилишига муносабат билдириб шундай айтдики, АҚШ президенти Доналд Трамп терроризмни ҳимоя қилишда ва ядровий келишувни бузишда шунингдек халқаро битимларни ва қонун-қоидаларни поймол этишда стратегик хатоларга йўл қўйди.

Шу билан бирган, Фаластин халқининг ҳақ-ҳуқуқларини оёқ ости қилиб, халқаро майдонда зўравонлик ва тартибсизликларни келтириб чиқаришда ўзининг жирканч намунасини кўрсатди. 

Эрон миллий хавфсизлик олий кенгаши котибига кўра, ноқонуний Сионистик режимнинг пойтахтини Қудсга кўчирилиши Ислом дунёсининг Фаластин армонларини ҳимоя қилиш учун иродасини янада мустаҳкамлаш билан, ушбу фитналарни режалаштирганлар учун акс натижаларни ҳам олиб келади.

АҚШ президенти Доналд Трамп 2017 йилнинг олтинчи декабр кунида минтақа ва жаҳоннинг қаршиликларига қарамай Қудсни Сионистик режим пойтахти дея эълон қилди ва АҚШ ташқи ишлар вазирлиги ҳам Америка элчихонасининг Телавивдан Қудсга кўчириш муддатини 14 май душанба кунига белгилади.