Қосемий: Европа Эроннинг ядровий келишувдаги манфаатларининг кафолатини таъминлаши керак
-
Қосемий: Европа Эроннинг ядровий келишувдаги манфаатларининг кафолатини таъминлаши керак
Европа қисқа вақт ичида АҚШнинг ядровий келишувдан чиқиб кетганидан кейин Эрон ислом жумҳурияти манфаатларини кафолатлаши керак.
Эрон ташқи ишлар вазирлиги матбуот котибига кўра, Европа қисқа вақт ичида АҚШнинг ядровий келишувдан чиқиб кетганидан кейин Эрон ислом жумҳурияти манфаатларини кафолатлаши керак.
Эрон ташқи ишлар вазирлиги матбуот котиби Баҳром Қосемий бугун душанба куни маҳаллий ва хорижлик мухбирлар билан ўтказган ҳафталик ахборот анжуманидаги чиқишида, Американинг ядровий келишувдан чиққанидан кейинги даврда Европанинг йирик ширкатлари Эрон билан қатъий ҳамкорлик қиладими ва Эроннинг кичик ширкатлар иштирокидаги истак ва талаблари таъминланадими деган саволга жавобан шундай айтдики, АҚШнинг ядровий келишувдан чиқишидан кейин янги шароит юзага келди.
Шундан келиб чиқиб, бошқа тарафларнинг иродаси ва қизиқишларини инобатга олиб, ядровий битимнинг сақланиб қолиши учун ушбу йўналишда музокаралар давом этмоқда.
Эрон ташқи ишлар вазирлиги матбуот котиби европаликларнинг ядровий битим бўйича кафолатлари ҳақида шундай таъкидладики, бу ишда қуруқ гап билан иш битмайди, амалда бажарилган ишлар муҳим саналади.
Шунингдек, Баҳром Қосемий Россиянинг Суриядан барча ташқи кучларнинг чиқиши учун қилган талаби ҳақида тўхталиб шундай айтдики, ҳеч қайси бир мамлакакат Эронни Суриядан чиқаришга мажбур қилолмайди.
Эрон ислом жумҳурияти мустақил мамлакат бўлиб, Эроннинг Суриядаги ҳаракатлари Сурия давлатининг терроризмга қарши кураш учун қилган даъвати билан амалга ошмоқда.
