Афғонистон ва Покистон парламент раислари: терроризмга қарши курашда ҳамкорликларни кенгайтириш лозим
Афғонистон ва Покистон парламент раислари терроризмга қарши кураш учун минтақа мамлакатлари ўртасида ҳамжиҳатлик ва ўзаро муносабаларни янада кенгайтириш зарурлигини таъкидладилар.
Эрон телерадиокомпаниясининг хабар қилишича, бугун Афғонистон парламенти раиси Абдурауф Иброҳимий Теҳронда ўтказилаётган минтақанинг 6 мамлакати парламент раисларининг иккинчи конференциясида терроризмнинг минтақа мамлакатлари учун жиддий муаммо эканлигига ишора қилиб, террорчилар ҳатти-ҳаракати, фаолияти ва сонининг ошиб боришининг асл сабабини ўрганиб, парламентларда махсус қонунларни қабул қилиш орқали ушбу жиддий муаммога қарши кураш учун муносиб механизмларни ишлаб чиқиш лозим, деб қўшимча килди.
Абдурауф Иброҳимий шунингдек Афғонистон сўнгги икки даҳа ичида ички ва ташқи террорчиларнинг саҳнасига айланган ва терроризмдан кўп жабр кўрган мамлакат эканлигини таъкидлаб, афсус билан айтганда хорижий мамлакатларнинг ҳарбий иштироки Афғонистон ҳудудларида террорчилик ҳаракатларининг ошиб боришига сабаб бўлмоқда, деб изоҳлади.
Теҳронда бошланган, мазкур конференцияда сўзга чиққан Покистон парламенти раиси Асад Қайсар ҳам инсоний ресурслар, табиий манбалар ва муҳим стратегик мавқеиятга эга бўлган Эрон, Покистон, Туркия, Афғонистон, Хитой ва Россия каби мамлакатлар терроризмга қарши курашда катта рол ўйнашлари мумкин, деб таъкидлади.
