Лорижоний: Суриядаги бўҳронлар вақти ўтиб кетган
Эрон парламенти раиси Сурияда бўҳронлар даврасини якунлангани ва бу мамлакатни қайта қуриш босқичига кирганини таъкидлади.
Эрон телерадиокомпаниясининг бугунги хабарига кўра, Эрон парламенти раиси Теҳронда Суриянинг бир гуруҳ қабилалари раисларини қабул қилганида, Сурия халқи томонидан мамлакат конституциясини тузилиши зарурлигига тўхталиб, Сурия халқи ҳеч бир назоратчи ва йўл кўрсатувчига эҳтиёжи йўқ ва хорижий мамлакатлар босимларидан ташқари ўз конституциясини тузиб, қабул қилиши лозим деб қўшимча қилди.
Лорижоний Сурия муаммоларидан баъзиларини ҳал этилганини баён этар экан, Идлиб минтақасида террорчиларнинг мавжудлиги жиддий зарар-зиён етказмоқда ва бу муаммо зудлик билан бартараф этилиши керак деб таъкидлади.
Эрон парламенти раиси минтақанинг айрим режимларини қисқа муддат ичида ағдарилганини эслатиб, Сурия давлати ва халқи душманларини ўта хавфли фитналари устидан ғалаба қозонди деб аниқлик киритди.
Лорижоний шунингдек, Сурия борасидаги АҚШ президенти Дональд Трампнинг сўзлари Вашингтон давлатини Сурияда фақат нефт пайида бўлганини кўрсатиб берди деб айтди.
Эрон парламенти раиси шунигдек, Сурия бўҳронини ҳал этиш учун Остона музокаралари чорчубасида Эрон, Туркия ва Россиянинг таъсирчан ҳамкорликларига ишора қилар экан, Эрон давлати Сурия яхлитлигига зид бўлган ҳар қандай ҳатти-ҳаракатга қаршидир ва Дамашқ давлатини терроризмга қарши курашини қўллаб -қувватлайди деб аниқлик киритди.
Сурия қабилалари раислари ҳам Эронни терроризмга қарши курашда Дамашқ давлатини ҳимоя этганига миннатдорчилик билдириб, Суриянинг ўта қийн ва бўҳронли вазиятида Эрон катта ва ижобий рол ўйнаган деб маълум этдилар.
