Эрон Ўзбекистонга 5 минг тонна картошка экспорт қилди

Эрон мамлакати жорий йилнинг ўтган икки ойида Ўзбекистон республикасига 5 минг 200 тонна картошка экспорт қилди.

Эрон ўтган икки ой ичида Ўзбекистонга  5200 тонна картошка сотгани маълум бўлди.

Шу давр ичида Ўзбекистон 7 хорижий давлатлардан жами 21 миллион долларлик 122,4 минг тонна картошка импорт қилган.

Ўзбекистон ўтган йилнинг шу даврига нисбатан 42 фоизга кўпроқ картошка импорт қилган.

Айтиш жоиздирки ҳозирда дунёнинг 156 та мамлакатида йилига 376 миллион 900 минг тоннадан ортиқ картошка етиштирилади. Ўзбекистон эса дунё давлатлари орасида 23-ўринни эгаллайди.

Ўтган 2021- йилда Ўзбекистонда 3,2 миллион тоннага яқин картошка етиштирилганди.