Амир Абдуллоҳиён: Швеция элчисига Эронга қайтишга рухсат берилмайди
-
Амир Абдуллоҳиён: Швеция элчисига Эронга қайтишга рухсат берилмайди
Эрон ташқи ишлар вазири шундай деди:Эрон Ислом Республикаси Президентининг фармойишига кўра, Швециянинг янги элчиси бу давлат ҳукумати исломий муқаддасликларнинг доимий равишда бузилишига қарши жиддий чоралар кўрмагунига қадар Эронга қайтишига рухсат этилмайди.
Эрон ташқи ишлар вазири Ҳусайн Амирабдуллоҳиён телевидениега берган интервюсида Швецияда Қуръонни иккинчи марта ҳақорат қилгани ҳақида қўшимча қилди:Швеция элчиси Теҳрондаги миссиясини якунлади ва Эрон Ислом Республикаси Президенти Саййид Иброҳим Раисий буйруғига кўра, Швеция ҳукумати кўрилган чорага жиддий чора кўрмагунча бу давлатнинг янги элчиси Эронга кира олмайди, Эроннинг янги элчиси ҳам бу давлатга юборилмайди.
Амир Абдуллоҳиён бу қарор Швеция ҳукуматига ҳам эълон қилинганини билдириб, айтди:Айрим ислом давлатлари яхши муносабат кўрсатдилар ва ислом давлатлари билан узлуксиз алоқада бўлиб, бу ҳаракатга қарши туриш ва Қуръоннинг муқаддаслигини сақлаш учун ягона ва изчил ёндашув қўлланилади.
Эрон ташқи ишлар вазири шундай деди:Швеция ташқи ишлар вазирининг телефон суҳбатида баёнот беришнинг ўзи етарли эмаслиги, жиноятчи қўлга олиниб, судланиши кераклиги таькидланди.
Швеция ташқи ишлар вазири Тобиас Билстрёмнинг телефон қўнғироғига жавобан Амир Абдуллаҳиён шундай деди:Қуръони Карим ва бошқа илоҳий динларнинг муқаддас китобларига ҳар қандай жойда, исталган шахс томонидан ва ҳар қандай шароитда ҳурматсизлик қилиш қатъиян қораланади ва сўз эркинлиги баҳонасида бу хатти-ҳаракатларнинг такрорланишига йўл қўйиб бўлмайди ва оқлаб бўлмайди.
28-июн куни Стокголмда Швецияда Қурсони Каримни ҳақорат қилган Селван Момика исмли экстремист ушбу давлат полицияси рухсати билан пайшанба (20-июл) куни Қурсони Каримни иккинчи марта ҳақорат қилди. Ислом мамлакатлари орасида Швеция ҳукуматига қарши ғазаб ва нафрат тўлқини ва бу ҳаракатга муносабат шаклланди.
