Эронлик музга чиқувчилар жаҳонда биринчи ва иккинчи ўринни қўлга киритди

Жаҳон кубоги музга чиқиш мусобақаларида эронлик спортчилар биринчи ва иккинчи ўринларни эгаллади

2026 йилги мавсумда ўтказилаётган музга чиқиш бўйича Жаҳон кубогининг иккинчи босқичи доирасида эронлик спортчилар биринчи ва иккинчи ўринларни қўлга киритишди.

PARS Today хабар беришича, мусобақалар Швейцариянинг «Сас-Фе» шаҳрида бўлиб ўтди ва тезлик йўналишида дунёнинг энг кучли музга чиқувчилари иштирок этди. Мусобақалар якунида эронлик Муҳаммадрезо Сафдарён ишончли чиқиши билан биринчи ўринни эгаллаб, олтин медалга сазовор бўлди. Эроннинг яна бир вакили Муҳсин Беҳештий финалгача етиб бориб, иккинчи ўринни қўлга киритди ва кумуш медалга эга чиқди. Аёллар ўртасида эса Маҳин Халили жаҳон рейтингида ўнинчи ўриндан жой олди. Айни спортчилар 2026 йилги мавсумнинг илк Жаҳон кубоги босқичида, Жанубий Кореяда ўтган мусобақада ҳам биринчи ва иккинчи ўринларни эгаллаган эдилар.

*Эрон вакилининг Қатарда стол тенниси бўйича чемпионлиги