Эрон ва Россия ўртасидаги савдо ҳажми 10 миллиард долларга ошади
-
Эрон ва Россия ўртасидаги савдо ҳажми 10 миллиард долларга ошади
Эрон нефть вазирининг халқаро алоқалар бўйича ёрдамчиси Тошкент ва Москва ўртасидаги стратегик ҳамкорликни ривожлантириш доирасида икки мамлакат ўртасидаги савдо ҳажми 10 миллиард долларга етказилишини маълум қилди.
Pars Today агентлиги хабар беришича, Эрон Ислом Республикаси нефть вазирининг халқаро алоқалар бўйича ёрдамчиси Алимуҳаммад Мусовий Теҳронда бўлиб ўтган Эрон-Россия иқтисодий ҳамкорлик комиссиясининг ўн тўққизинчи йиғилишида икки мамлакат энергетика вазирлари иштирокида Теҳрон ва Москва ўртасидаги иқтисодий ҳамкорлик салоҳияти ҳозирги даражадан анча юқори эканлигини ва уни кенгайтириш зарурлигини таъкидлади. У Эрон ва Россия ўртасидаги савдо ҳажмининг ўсиш суръатларига ишора қилиб, ҳозирда икки томонлама товар айирбошлаш ҳажми тахминан 6 миллиард долларни ташкил этишини ва уни 10 миллиард долларга етказиш режалаштирилаётганини маълум қилди.
Нефть вазирининг халқаро алоқалар бўйича ёрдамчиси икки мамлакатнинг энергетика соҳасидаги кенг салоҳиятини таъкидлаб, Эрон ва Россия ўртасидаги ҳамкорликнинг асосий йўналишлари нефть конларини ўзлаштириш, шунингдек, Россия газини Эронга экспорт қилиш эканлигини айтди. Унинг қўшимча қилишича, техник ҳамкорлик, қўшма инвестициялар ва технология алмашинуви Эрон ва Россия ўртасидаги савдо ҳажмини ошириш мақсадига эришишда муҳим роль ўйнаши мумкин.
Эрон-Россия иқтисодий ҳамкорлик комиссиясининг ўн тўққизинчи йиғилиши иқтисодий, энергетика, транспорт ва банк соҳаларидаги алоқаларни чуқурлаштириш мақсадида бўлиб ўтди ва икки томон вакиллари иқтисодий имкониятлардан тўлиқ фойдаланиш зарурлигини таъкидладилар. Сўнгги йилларда транзит коридорларини ривожлантириш, нефть ва газ соҳасидаги ҳамкорлик ҳамда миллий валюталарда савдо айирбошлашни кучайтириш Теҳрон ва Москва ўртасидаги иқтисодий муносабатларнинг асосий йўналишлари бўлиб келмоқда.
