Эронлик тадқиқотчилар ҳужайравий маҳсулотни 14 кунлик музлатиш чекловини АҚШдан олдин бартараф этди

Эроннинг Рўён тадқиқот институти олимлари икки қаватли тери ҳужайравий маҳсулотини муваффақиятли музлатиш орқали америкалик намуна учун мавжуд бўлган 14 кунлик чекловни ушбу мамлакатдан олдин бартараф этдилар.

Pars Today  хабар беришича, Тасним ахборот агентлигига таяниб, Рўён тадқиқот институти Ҳужайравий илғор маҳсулотлар технологиясини ривожлантириш маркази директори Ансия Ҳожи-зода маълум қилди: мазкур марказ тадқиқотчилари диабетик оёқ ярасини даволаш учун мўлжалланган илғор ҳужайравий маҳсулотни музлатиш орқали америкалик намунадаги 14 кунлик чекловни енгиб ўтишга муваффақ бўлган.

Ҳожи-зоданинг айтишича, америкалик маҳсулот тирик ҳужайраларга эга бўлгани сабабли фақат 14 кун давомида қўллаш мумкин эди ва шундан кейин у яроқсиз ҳолга келарди. Бу ҳолат тахминан 1500 долларлик нархни ҳисобга олганда, беморларни даволашда жиддий муаммо туғдирар эди. Мазкур чеклов клиник синов жараёнини ҳамда шифокор ва бемор ўртасидаги мувофиқлаштиришни қийинлаштирарди, чунки ишлаб чиқаришдан тортиб трансплантациягача бўлган бутун занжир қисқа вақт оралиғида амалга оширилиши лозим эди.

Музлатиш технологиясига эришиш ва тўқима тузилишини сақлаш

Рўён институти Ҳужайравий илғор маҳсулотлар технологиясини ривожлантириш маркази директори тушунтиришича, “агар музлатиш имконияти мавжуд бўлганида, америкаликлар буни амалга оширган бўлар эди” деган тасаввур тўғри эмас. Унинг маълум қилишича, мазкур жамоа тадқиқотчиларидан бири лаборатория ечимларини таклиф этиш орқали маҳсулотни шундай тарзда музлатиш ва қайта эритишга муваффақ бўлдики, тўқима тузилиши ва функционал хусусиятларида ҳеч қандай ўзгариш кузатилмади.

Унинг таъкидлашича, эритилгандан кейин тўқима тузилиши тўлиқ соғлом ҳолатда сақланиб қолган ва музлатишдан олдинги ҳолатдан ҳеч қандай фарқ қилмаган.

*13 та халқаро нано стандарти рўйхатдан ўтказилди; Эрон дунёда тўртинчи фаол мамлакат