Ўзбекистон C5+1 доирасида муқобил транспорт йўналишларини ривожлантиришни таклиф қилди
-
Ўзбекистон C5+1 доирасида муқобил транспорт йўналишларини ривожлантиришни таклиф қилди
Ўзбекистон ТИВ раҳбари Нью-Йоркда C5+1 форматидаги вазирлар йиғилишида иштирок этди.
Нью-Йорк шаҳрида БМТ Бош ассамблеяси 77-сессияси доирасида Марказий Осиё мамлакатлари ва АҚШнинг C5+1 форматидаги вазирлар йиғилиши ўтказилди
Қозоғистон, Қирғизистон, Тожикистон, Туркманистон, Ўзбекистон- Марказий Осиё давлатлари ва АҚШ ташқи сиёсат идоралари раҳбарлари ҳамда вакиллари томонларни қизиқтирган йўналишлардаги ҳамкорлик масалаларини муҳокама қилди.
Марказий Осиё барқарор иқтисодий тараққиётини таъминлаш мақсадида C5+1 форматида савдо ва сармоявий алоқаларни кенгайтириш йўллари юзасидан фикр алмашилди. Ўзбекистон делегацияси раҳбари, ташқи ишлар вазири Владимир Норов ўз нутқида C5+1 муҳим мулоқот механизми бўлиб, унинг доирасидаги ҳамкорлик самарадорлигини ошириш борасида маълум муваффақиятларга эришилганини қайд этди.
Ўзбекистон томонининг C5+1 доирасидаги ташаббуслари - Марказий Осиё мамлакатларида қишлоқ хўжалиги ва тўқимачилик саноати соҳасида халқаро стандартларни жорий этиш, муқобил транспорт йўналишларини ривожлантириш, «яшил кун тартиби»ни илгари суриш, озиқ-овқат хавфсизлигини таъминлаш таклифлари билдирилди.
