Тожикистон ва Афғонистон террористик гуруҳлари ҳамкорлик қилмоқда

Тожикистон расмийси Тожикистон ва Афғонистон террорчи гуруҳлари ўртасидаги алоқа ва ҳамкорликни тасдиқлади.

2021 йил август ойи ўрталарида Афғонистонда “Толибон” ҳаракатининг ҳокимият тепасига келиши бу мамлакатда террорчилик гуруҳлари кучайиб бораётганидан хавотирлар кучайиши билан бирга келди. Аммо бошиданоқ Толибон халқаро ҳамжамиятни, айниқса Афғонистонга қўшни давлатларни, жумладан Тожикистонни “Кобул ҳеч қачон афғон тупроғидан бошқа давлатга қарши суиистеъмол қилинишига йўл қўймайди, дея ишонтирди

“Толибон” ҳаракати матбуот котиби Забиҳуллоҳ Мужоҳид аваллроқ Тожикистон расмийлари томонидан билдирилган хавотирларга жавоб бериб, “Тожикистоннинг хавотири асоссиз”, деган эди.

Эрон телерадиокомпаниясининг ўзбек тилидаги сайтининг шанба кунги хабарига кўра, Тожикистон Ташқи ишлар вазирлигининг стратегик тадқиқотлар бўлими бошлиғи айтди:“Бадахшон” вилоятидаги террорчилик гуруҳлари Афғонистондаги террорчи гуруҳларга алоқадор.

Шараф Раҳимийнинг қўшимча қилишича, биз ҳозирда Афғонистондаги террорчилик гуруҳлари фаолияти оқибатларини мамлакатимиз чегараларида ҳис қиляпмиз.

Тожикистон хавфсизлик кучлари томонидан Афғонистон билан чегарада террорчи гуруҳларнинг бир қатор аъзолари ҳибсга олинганига ишора қилиб, бу тожик тадқиқотчиси шундай деди:Бу ҳибслар Бадахшондаги террорчи гуруҳлар билан Афғонистондаги террорчилар ва наркотик жиноятчилар ўртасидаги яқин алоқани яққол тасдиқлайди.

Раҳимий Афғонистонда фаол террорчилар томонидан янги усулларни янгилаш ва ихтиро қилишини тасдиқлади ва тан олди:Террорчи унсурлар ўқ-дорилар омборларида кўп миқдорда енгил ва оғир қуроллар, ҳарбий техникага эга

Эслатиб ўтамиз, ИШИД томонидан Афғонистоннинг қўшниларига ушбу мамлакат ҳудудидан уюштирилган бир неча терактлар Толибоннинг Тожикистон каби давлатларга берган ваъдаларини бажариш қобилиятини шубҳа остига қўйган эди.