Ҳиндистонда кран қулаши оқибатида 11 киши ҳалок бўлди (видео)
август 02, 2020 13:34 Asia/Tashkent
Ҳиндистонда катта ўлчамли кран қулаши оқибатида 11 киши ҳалок бўлди.
ANI ахборот агентлигининг хабар беришича, Вишахапатнам портидаги (Андхра-Прадеш штати) Hindustan Shipyard верфидаги кран қулаб тушган.
Маълумотларга кўра, фожиа оқибатида яна 5 киши жароҳат олган. Воқеанинг видеоёзувида яқинда ўрнатилган улкан кран ағдарилаётгани ва ерга урилгач бир неча қисмга бўлакланиб кетганини кўриш мумкин.
Кран уни ўрнатиш билан шуғулланган ишчилар устига қулаган. Воқеа тергов қилиниши бошланган.
